د بریتانیا نوي لومړي وزیر کېیر سټارمر تېر حکومت له خوا روانډا ته د پناه غوښتونکو د لېږلو پروګرام لغوه اعلان کړ.
ښاغلي سټارمر د روانډا سکیم په اړه د یوې پوښتنې په ځواب کې وویل “د روانډا پروګرام له پیلېدو مخکې مړ او ښخ شوی دی.”
هغه د وړو کیښتیو په وسیله بریتانیا ته د پناه غوښتونکو ورتګ ته په اشارې وویل روانډا ته د کډوالو د لېږلو پلان د کډوالو د ورتګ د مخنیوي په توګه کار ونه کړ. سټارمر وايي، “د روانډا پلان له پېلیدو دمخه ناکاره او په نشت حساب و. هېڅکله د کډوالو د راتلو مخنیونکی نه و. هغو شمیرو ته وګورئ چې د دې کال څه باندې لومړیو شپږو کې راغلي دي. دا د ریکارډ په کچه شمېرې دي. دا هغه ستونزه ده چې موږ ته په میراث پاتې ده. دا پلان هېڅکله د مخنیوي په توګه کاریدلی نه شي. تقریبا برعکس، ټول په دې پوهیږي په ځآنګړي ډول ورانکارې ډلې، چې روانډا ته د کډوالو د استولو چانس خورا کم و، تر یو سلنې هم کم.”
روانډا ته د پناه غوښتونکو استولو موخه د مخکېني لومړي وزیر رشي سوناک د هغو هڅو یوه برخه وه، چې ویل يې، د انګرېز چېنل له لارې د راتلونکو غېر قانوني کډوالو مخنیوی وکړي.
پلان داوه، هغه کسان چې په ناقانونه توګه بریتانیا ته راځي، روانډا ته به ولېږدول شي او له هغه ځایه د پناه غوښتنه وکړي – که غوښتنه یې نه منل کېده، نو‌ بېرته به خپلو هېوادونو ته استول کېږي.
اوسني واکمن او د اپوزيسيون نورو ګوندونو او د بشري حقونو ډلو هغه مهال هم پر دغه پلان سختې نيوکې کولې او مخالف یې وو.‌
د بريتانيا مخکېني لومړي وزير ريشي سوناک وړاندې ويلي و، د کډوالو لېږد به په جولای میاشت کې پیل شي.
ټاکل شوې وه چې رونډا ته د کډوالو د لېږد لومړۍ الوتنه د ۲۰۲۲ کال په دوبي کې شوې وای خو له قانوني ننګونو وروسته په وروستۍ شېبه کې وځنډول شول.

د ایران د ټاکنو د مرکزي دفتر د اعلاميې له مخې، له دې امله چې د ولسمشرۍ له څلورو نوماندانو څخه هېڅ يوه هم له نيمايي څخه زياتې سمې رايې نه دي ګټلي، نو ټاکنې دويم پړاو ته غځول شوې دي او په راتلونکي کې به مسعود پزشکیان او سعيد جليلي د د رايو لپاره سيالي وکړي. جمعه. د کورنیو چارو وزارت د ټاکنو مرکزي دفتر د ګډون کچه ۴۰ سلنه اعلان کړه، چې دا د ایران د ولسمشریزو ټاکنو په تاریخ کې د ګډون تر ټولو ټیټه کچه ده.

خو د اسلامي انقلاب  د ائتلاف شورا د ولسمشرۍ د څوارلسمې دورې په انتخاباتو کښې د خلقو د ګډون په اړه یوه بیانیه خپره کړه او له سعید جلیلي څخه یې قدرداني او ملاتړ څرګند کړ.

د اسلامي انقلابي ځواکونو د ائتلاف شورا د بنسټپالو ډلو سره تړلې ائتلافي جبهه او انتخاباتي لېست دی چې د ۲۰۱۹-۲۰۱۸ کال د اسلامي شورا په انتخاباتو کې یې فعالیت پیل کړ.

دا شورا د ۱۴۰۰ کلیو او کلیو د اسلامي شوراګانو په ټاکنو کې هم فعاله وه، له بلې خوا د اصلاح جبهې مشر او د اتحاد ملت ګوند عمومي منشي اظهر منصوري وايي: ټاکنې د ایران ستر ملت دی.”

خو بلې خوا ته داصلاحاتو د جبهې مشرې اغلې منصوري له رایه ورکوونکو وغوښتل چې په دویم پړاو کې مسعود پزشکیان ته رایه ورکړي.

هغه وویل چې د انتخاباتو په دوهم پړاو کې ښاغلي پزشکیان ته په رایه ورکولو سره به د ایران خلکو ته یو نوی افق پرانیستل شي.

یادو دوو نوماندانو به په کتو راس ښکاري چې راتلونکې جمعه به درایې اجونې مرکزونه د ډیرو رایو اچوونکو شاهدان وي

د دوحې په دریمه ناسته کې د اسلامي امارت د ګډون اصلي موخه له نړۍ سره د اړیکو پراخول دي.
د اسلامي امارت ویاند ذبیح الله مجاهد نن په یوه خبري ناسته کې دیاد مطلب تر څنګ زیاته کړه چې نړيواله ټولنه بايد افغانستان په سختو شرايطو کې يوازې پرې نه ږدي او هېوادونه بايد دافغانستان پر وړاندې خپل مکلفيتونه پوره کړي او زياته يې کړه، چې افغانستان د ټولو هېوادوالو ګډ کور دى.

د افغانستان د اسلامي امارت ویاند وړاندی وویل چې د دوحې په درېیمه ناسته کې د افغانستان د پلاوي د ګډون موخه له نړیوالې ټولنې او هېوادونو سره لا زیات تفاهم او تعامل دی.
هغه د هېواد د مسايلو په اړه وويل، چې موږ له نړيوالې ټولنې سره رغنده تعامل غواړو او د هېواد د شرايطو د ښه والي لپاره هڅې کوو.
د ده په وینا، د دوحې په غونډه کې  یوازې د اسلامي دولت پیغامونه به نړیوالې ټولنې ته رسول کېږي.
مجاهد د دوحې په ناسته کې د اسلامي امت د استازو شتون د نړیوالې ټولنې له خوا کوم  امتیاز نه دی بلکې د اسلامي امارت له استازو پرته به بل هیڅ حقیقي او قانوني شخص د افغانستان په استازیتوب ګډون ونه کړي.
دغه چارواکي زیاته کړه چې زموږ هیله دا ده چې د افغانستان د وضعیت په اړه ځینې محدودیتونه او شکونه له منځه یوسو.
د هغه په ​​وينا، اقتصادي مسايل، ظالمانه بنديزونه، د اسلامي دولت لاسته راوړنې او په افغانستان کې دننه پر واقعيتونو باور هغه مسايل دي، چې د دوحې په درېيمه ناسته کې به د افغانستان استازي پرې خبرې وکړي.
مجاهد ټینګار وکړ چې د دوحې غونډه د افغانستان د ستونزو د دایمي حل لپاره نه ده او په دې غونډه کې به د افغانستان په استازیتوب شپږ کسان ګډون وکړي.
مجاهد ویلي، چې د دوحې په درېیمه ناسته کې به د افغانستان داخلي مسایل لکه د ښځو کار، د نجونو زده کړه او ټول شموله حکومتولۍ خبرې نه کېږي، بلکې پر نړیوالو مسایلو به خبرې کېږي.
ذبیحالله مجاهد یدویې پوښتنې په ځواب کې وویل چې دنجونو پر وړاندې دمکتوبو او ښځو پر وړاندې دکار دروازې هم بالاخره پرانیستل کیږي.

د ویانا د څلورمې غونډې ګډونوالو  د یوې بیانیې په خپرولو سره د دوحې د راتلونکې غونډې په ترسره کیدو  خواشیني او نیوکه وکړه او له ملګرو ملتو یې وغوښتل چې په دې برخه کښې مسئولانه عمل وکړي.

په خبرپاڼه کې زیاته شوې، چې د دوحې د درېیمې ناستې اجنډا ښيي، چې ملګري ملتونه په دې ناسته کې له خپل اصلي ماموریته وتلي او دا سازمان باید د افغانستان د خلکو د استازي په توګه له طالبانو سره خبرې ونه کړي.

د ویانا د څلورمې غونډې په وروستیو بحثونو کې پر دوو مهمو مسایلو خبرې وشوې. د دې غونډې یو شمېر ګډونوالو د حل یوازینۍ لار د بین الافغاني مذاکراتو او مذاکراتو د بیا پیل لپاره پر وروستۍ هڅې ټینګار وکړ، په داسې حال کې چې نورو د خبرو تر څنګ پر پوځي انتخاب ټینګار وکړ.

ورته ګیلې او نیوکې په داسی حالاتو کې رامنځته کیږي چې د دوحې په دریمه ناسته کې دافغانستان اسلامي امارت مرکزي ویاند تر مشرۍ لاندي یو پلاوی ګډون کوي او دا یوازینی پلاوی دی چې دافغانستان په استازیتوب د دوحې په دریمه ناسته کې حضور مومي.

مارک روت د ناټو د نوي عمومي منشي په توګه وټاکل شو
د هالنډ چانسلر مارک روټ (کیڼ اړخ ته) به د ناټو عمومي منشي ینس سټولټنبرګ ځای ونیسي (د آرشیف عکس).
د هالنډ چانسلر مارک روټ (کیڼ اړخ ته) به د ناټو عمومي منشي ینس سټولټنبرګ ځای ونیسي (د آرشیف عکس).

په بروکسل کې د ناټو د ۳۲ غړو هېوادونو د سفیرانو په نننۍ غونډه کې دغه مقام ته د ښاغلي روت د معرفي کېدو پرېکړه وشوه.

ټاکل شوی چې ښاغلی روت  په رسمي توګه د روان کال د اکتوبر په لومړۍ نیټه د ناټو د اوسني عمومي منشي ینس سټولټنبرګ ځای ونیسي.

ښاغلي سټولټنبرګ له یوې لسیزې راهیسې دناتو دسر منشي په توګه  دنده ترسره کړې ده.

روټ په داسی حال کې د ناتو دنوي سر منشي په توګه ټاکل کیږي چې دغه سازمان همدا اوس په اوکراین کې د روسیې پرخلاف په جګړه بوخت دی.

اټکلونه دا دي چې ناتو به د روسیې پرخلاف خپل دریځ لا سخت کړي