د ملګرو ملتونو د روغتيا نړيوال سازمان او د اسلامي امارت د عامې روغتیا وزارت دواړه وايي، په دغه هېواد کې د شري یا سرخکان ناروغي پېښې ډېرې شوې دي.
ددغه وزارت په وینا، په روان کال کې د شري ناروغۍ د مشکوکو پېښو له لسو زرو ډېرو ازموینو نژدې شپږ زره مثبتې ثبت وې.
د ملګرو ملتونو د روغتیا نړیوال سازمان د روان ۲۰۲۴ کال په تحلیلي راپور کې کښلي چې شری یا سرخکان د ۲۰۲۱ کال له نیمايي راهیسې په افغانستان کې په ډېرېدو دی. په دغه راپور کې راغلي چې یوازې په تېرو لسو میاشتو کې یې د هېواد په ټولو ۳۴ ولایتونو کې د شري شپږ زره مثبتې پېښې او له دغې ناروغۍ لږ تر لږه ۲۲۳ مړینې ثبت کړې دی.
د عامې روغتیا وزارت ویاند شرافت زمان امرخېل وايي، د دغې ناروغۍ مشکوکې پېښې هم د تېر کال پرتله ډېرې شوې دي.
امرخېل زیاتوي، دغه وزارت غواړي د راتلونکي میلادي کال په پیل کې د شري ناروغۍ د واکسين ملي کمپاین پلی کړي چې په کې به ۱۶ مېلیونه له لس کلونو ټیټ عمره ماشومان واکسین شي.
نوموړی وايي، “په نژدې مياشتو کې موږ پلان لرو چې د شري د واکسين ملي کمپاين تطبيق کړو، د دې په توسط سره به موږ وکولی شو چې په افغانستان کې د شري له زياتېدونکو واقعاتو مخنيوی وکړو. له ولسونو مو هم غوښتنه همدا ده چې په داسې حالتونو کې که د دوی ماشومانو کې نښې او علايم د سرخکان راښکاره کېږي، بايد نور ماشومان ورڅخه وژغورل شي او دوی په دغسې حالتونو کې روغتيايي مرکزونو ته مراجعه وکړي تر څو د دوی د ماشومانو ژوند له خطر سره مخ نشي.”
دغه وزارت له دې وړاندې د کورنیو بې ځایه شوو شمېر ډېرېدل او د کډوالو په تېره بیا له پاکستانه ورستنېدل هم د شري د ناروغۍ لا خپرېدو لامل بللي و.

په داسی حال کې چې دایران مذهبي مشر او دهغه هیواد امنیت شورا پر اسراییلو دبیا برید پخلی کړی دی،امریکا خبرداری ورکوي، چې که ایران بیا برید وکړي، نو اسرائیلو مخه نه شی نیول کیدای.

امریکايي رسنیو څو ورځې وړاندې خبر ورکړ چې ایران ښايي د نومبر په پنځمه د امریکا د ولسمشرۍ له انتخاباتو مخکې پر اسراییل برید وکړي.
امریکا ایران ته خبرداری ورکړی چې بیا دې پر اسرائیلو برید ونه کړي.

امريکايي چارواکو له رسنيو سره د خبرو پر مهال ويلي، چې که ايران پر اسرائيلو بريد وکړي، نو دوی به ونه شي کړای، چې د غچ اخيستلو مخه ونيسي.

د ایران مذهبي مشر امر کړی چې پر اسرائیلو د نوي برید لپاره چمتووالی ونیسي

تېره ورځ د ایران ستر مذهبي مشر ایت الله خامنه يي ویلي وو چې امریکا او اسراییل به د ایران پر ضد د خپلو اقداماتو په وړاندې سخت ځواب ورکړي.

هغه په ​​تهران کښې په یولړ مراسمو کښې وویل د امریکا او صهیونیسټی حکومت په شمول دښمنان باید پوه شی چې هر هغه څه چې د ایران او د مقاومت د جبهې په خلاف ترسره کوی سخت ځواب به ورکړی .

د بله پلوه د اسراییلو لومړي وزیر نتنیاهو ادعا وکړه چې په ایران کې د وروستیو بریدونو نه وروسته په ایران کې د کوم هدف په نښه کول ممکن دي.

د اسلامي امارت د کرنې، اوبو لګولو او مالدارۍ وزارت مرستیال مولوي صدر اعظم عثماني په چین کې د فقر کمولو او کرنې پرمختګ نړیوال کنفرانس کې دا غوښتنه کړې ده.
نوموړی وایي، نړۍ باید په هغو هېوادونو تمرکز وکړي چې د اوبو له کمښت، جګړو او نورو ستونزو سره مخ دي.
افغانستان د کرنې، اوبولګولو او مالدارۍ وزارت ویاند مولوي مصباح الدین مستعین وایي چې د وزارت مرستیال یې له نړۍ غوښتي چې که غواړي په نړۍ کې بیوزلي کمه کړي نو غوره ده چې پیل یې له افغانستانه وکړي.
نوموړي د کوکنار له بزګرانو سره د بدیل معیشت غوښتنه هم کړې ده.
په دې کنفرانس کې د نړۍ له بېلابېلو هېوادونو او نړیوالو بنسټونو نژدې درې سوه استازو ګډون درلود.
په هم دې حال کې د طالبانو په حکومت کې د اقتصاد وزارت هم ورته غوښتنه کړې ده.
د دغه وزارت ویاند عبدالرحمان حبیب وايي چې حکومت یې له نړیوالو مرستندویه موسسو او بنسټونو غواړي چې د افغانستان د اقتصادي وضعیت د ښه والي په خاطر، د بشري مرستو ترڅنګ د خپلو مرستو ډېره برخه په هېواد کې د بنسټیزو پراختیايي پروژو په تمویل کې مصرف کړي.
د طالبانو حکومت کې دغه دوې مهمې ادارې داسې مهال له نړۍ د بشري مرستو او لاسنیوي غوښتنه کوې چې له دې مخکې افغانستان کې د بشري حقونو وضعیت په اړه د ملګرو ملتونو ځانګړی رپورټر ریچارډ بېنېټ ملګرو ملتونو ته په خپل وروستي رپوټ کې له نړیوالو غوښتي وو چې افغانستان هېر نه کړي او له طالبانو پرته د دغه هېواد له خلکو سره په مختلفو برخو کې مرستې جاري وساتي.
بېنېټ ویلي چې نړیوال باید د بشري ناورین د مخنیوي لپاره د افغانانو لاسنیوی وکړي.
د نوموړي په وینا، دغه مرستې او لاس نیول د هغو خلکو ، لکه معلولین، بې‌سرپسته ښځې، ماشومان او هغه خلک چې د خپلو حقونو لپاره قانوني او حقوقي دعوې لري ډېر اړ دي.
له دې وړاندې نړیوال بانک او ملګرو ملتونو دواړو ویلي وو چې په افغانستان د بېوزلۍ کچه له بل هر وخته ډېره لوړه شوې چې د نړیوالو بېړني لاسنیوي ته اړتیا لري.

اسلام اباد: د پاکستان د بهرنیو چارو وزارت ویاندې ممتاز زهرا بلوچ وايي، په پاکستان کې د چین د سفیر څرګندونې حیرانوونکې دي او د دواړو هېوادونو د سفارتي دودونو عکاسي نه کوي.

د بهرنيو چارو وزارت وياند د اوونيزې خبري غونډې پر مهال وويل، چې له چينايي اتباعو سره د ځينو بدمرغه پېښو د رامنځته کېدو په اړه د چين د حکومت او د سفارت د مشرتابه په کچه د چينِ اتباعو ،پروژو او کپنیو دساتنې ژمنه تازه شوې .

د چین سفیرپه یوه تازه وینا کې ویلي دي چې له پاکستان سره همکاري کوو ترڅو د ترهګرو پر وړاندې په کلکه مبارزه وکړای شي
د چین سفیردغه راز ویلئي دي چې د نوي حکومت نه وروسته د پاکستان او چین اړیکې زیاتې شوې
ممتاز زهرا بلوچ وویل چې د شانګهای د همکارۍ سازمان (SCO) په غونډه کې د پاکستان لومړي وزیر هم د چینايي اتباعو د خوندیتوب ډاډ ورکړی دی .

حزب الله د نصرالله پخوانی مرستیال نعیم قاسم د ځای ناستي په توګه وټاکه
د لبنان د حزب الله ډلې د عمومي مشر پخوانی مرستیال نعیم قاسم ځان د حسن نصرالله ځای ناستی اعلان کړ.
له تیرې میاشتې رادیخوا چې حسن نصرالله وژل شویدیُنعیم قاسم دحزب الله مشري پرغاړه لري.

دغه ملا د نصرالله په څېر یو له هغو شخصیتونو څخه دی چې د علي خامنه اي له شخصیتونو څخه دی چې په وروستیو کلونو کې یې څو ځله ایران ته سفرونه کړي او د اسلامي جمهوریت له چارواکو سره په دوامداره توګه په تماس کې دی. نعیم قاسم له ۱۹۹۱ کال راهیسې د لبنان د حزب الله د عمومي منشي مرستیال و. په تېرو ورځو کې داسې غیر رسمي راپورونه خپاره شول چې قاسم د حزب الله پر ضد د اسرائیلو د بریدونو له شدت وروسته ایران ته تللی دی.

داسلامي امارت د احصایې او معلوماتو ملي ادارې په یوه خبرپاڼه کې ویلي، چې د روان کال په تلې یا میزان میاشت کې ۳ زره او ۹۴۰ بهرنیو وګړو افغانستان ته تګ راتګ کړی دی.
خبرپاڼه کاږي چې ۴۳۳ تنو د تاریخي سیمو د لیدلو او پاتې نورو بیا د کار په موخه افغانستان ته سفر کړی دی.
‏د احصایې او معلوماتو ملي ادارې په خبرپاڼه کې دغه راز راغلي، چې د روان کال په تلې یا میزان میاشت کې په ټول هېواد کې ۱۴۴ زره او ۸۴۰ برېښايي پېژندپاڼې وېشل شوې دي.
خبرپاڼه زیاتوي چې د تذکرو ډېره برخه په کابل، ننګرهار، کندهار، هرات، او بلخ ولایتونو کې وېشل شوې ده.

امریکا  دایران پر پوځی هدفونو باندې د اسرائیلو د رژیم د حملو او تیریو له پای ته رسیدو وروسته ،له ایرانه غوښتي دي چې ځواب ورنکړي

دامریکې یو لوړرتبه چارواکي وایي: د ایران په وړاندې د اسرائیلو غبرګون پای ته رسیدلی دی او له تهران څخه غوښتنه کوو. د دې برید په ځواب کې یا هر ډول اضطراري اقدام ونکړي.

یادامریکايي چارواکي نن سې شنبه سهار ټینګار وکړ: دا باید د اسرائیلو او ایران ترمنځ د مخامخ بریدونو د تبادلې پای وي.

دغه جګپوړي امریکايي چارواکي چې نوم یې نه دی یاد شوی ویلي: امریکا د اسرائیلو دفاع ته چمتو ده.

د اسراییلو رژیم ۱۲ چینل هم د سپینې ماڼۍ د یوه چارواکی له قوله راپور ورکړی: د ایران په وړاندې د اسرائیلو ځواب باید د دواړو لورو د متقابلو حملو د ختمیدو سبب شی.

د اسرائیلو رژیم پوځ نن شنبه سهار (د تهران پر وخت شاوخوا ۲:۳۰ بجې) د ایران پر پوځي اهدافو د بریدونو د پیل اعلان وکړ او ادعا یې وکړه چې دا برید بریالی دی.

داسراییلو دپوځ یو ویاند ویلي دی چې اسراییل دایران هره برخه چې وغواړي په نښّ کولی شي او نن مونږ ایران ته دخپل زور او وړتیا یوه برخه ښکاره کړه.

د دغه هیواد د هوایی مدافعې اډې له دغه حملې وروسته اعلان وکړ: د صهیونیسټی رژیم جنایتکار او غیرقانونی رژیم ته د اسلامی جمهوریت د چارواکو له مخکینیو خبرداریو سره سره، دغه جعلی رژیم نن سهار په یو لړ تکفیری اقداماتو سره، د صهیونیسټی رژیم په ځینو پوځی مرکزونو حملې وکړې. د تهران او خوزستان په ولایتونو او په الهام باندې حملې چې د دغه هیواد د هوایی مدافعې د مربوط نظام له خوا په بریالیتوب سره په دغه ځپونکی اقدام سره په شا وتمبول شو او ځینو ځایونو ته یې محدود تاوانونه ورسیدل، د دغې پیښې ابعاد تر څیړنې لاندې دی.

ایران په یادو بریدونو کې دخپلو ۲ تنو سرتیرو دوژل کیدو خبره هم کړې او ټیګار یې کړي دي چې یادو بریدونو ته به ځواب ورکړي

په دغه اعلاميه کې ويل شوي دي: په دې برخه کې له خلکو څخه د پيوستون او سولې د ټينګښت لپاره د بلنې په ترڅ کې له هغوى څخه غوښتل کيږي چې د دغو پيښو په اړوند خبرونه د ملي رسنيو له لارې خپاره کړي او د دښمن د رسنيو اوازو ته پام ونه کړي.