دسته: خبر

د طالبانو تر ادارې لاندې د افغانستان د صنعت او سوداګرۍ وزارت راپور ورکړی چې پرون (شنبې) له چین څخه په سوداګري مالونو بار ریلګاډی مزارشریف ته راورسید.
دا ریلګاډی ۲۲ ورځې مخکې له چین څخه د قزاقستان او ازبکستان له لارې افغانستان ته راروان شوی و.
په دې ریلګاډي کې د بیلابیلو جنسونو ۵۵ کانټینره توکي شامل وو. تمه کېږي چې دا ریلګاډی به د ستنېدو په مهال نورو هېوادونو ته د افغانستان د محصولاتو د صادرولو اسانتیا هم برابره کړي.
دا بار د اسلامي امارت د صنعت او سوداګرۍ وزیر نورالدین عزیزي د چین، قزاقستان او ازبکستان له سفرونو وروسته رارسېدلی. که څه هم تر دې وړاندې د ریلګاډي په وسیله له چین څخه تجارتي مال افغانستان ته راوړل شوی خو له اوږده ځنډه وروسته افغانستان ته د ریلګاډي په وسیله د تجارتي مالونو انتقال هیله رامنځته کوي چې له دې طریقه به راکړه ورکړه منظمه بڼه خپله کړي.
له بلې خوا د افغانستان د احصایې او اطلاعاتو ملي اداره وايي، د روان لمریز کال په سنبلې/ تلې میاشت کې د افغانستان صادرات د لیندۍ میاشتې په پرتله ۶۱ میلیونه ډالره زیات شوي دي.
دې ادارې په یوه خبرپاڼه کې ویلي، چې د تلې په میاشت کې د افغانستان د صادراتو ټولیز ارزښت ۲۳۴،۹ میلیونه ډالرو ته رسېدلی، په داسې حال کې چې دغه شمېره د وږي په میاشت کې ۱۷۳،۹ میلیونه ډالره وه.
دا په داسې حال کې ده، چې د تلې په میاشت کې د افغانستان د وارداتو کچه ۱۸۶.۸ میلیونه ډالره لوړه شوې ده. د شمېرو له مخې، په روانه مياشت کې د وارداتو ټوليز ارزښت يو ميليارد او ١۴٠ ميليونو ډالرو ته رسېدلى، په داسې حال کې چې په تېره مياشت کې دغه شمېره ٩۵۴،١ ميليونه ډالره وه.

بیروت: د حزب الله مشر نعیم قاسم د اسرائیلو له خوا د لبنان له حاکمیت څخه د سرغړونې په اړه د هر ډول موافقې له منلو ډډه وکړه.

د لبنان د مقاومت د ډلې حزب الله مشر نعیم قاسم په یوه ثبت شوي ویډیویي بیان کښې وویل چې د هغه سازمان به هیڅ داسې موافقه ونه مني چې د لبنان له ملي حاکمیت څخه سرغړونه وکړي.

نعیم قاسم وویل حزب الله د یرغل بشپړ او هراړخیز خاتمه غواړي چې په هغه کې د لبنان حاکمیت هم خوندي وي، دا نه شي کیدای چې دښمن اسرائیل هرکله چې وغواړي د لبنان خاورې ته ننوځي.

د حزب الله مشر زیاته کړه، اسرائیل نه شي کولای موږ ته ماتې ورکړي او نه پر موږ شرطونه لګوي.

د امریکا سفیر هم د اسراییلو او حزب الله ترمنځ د اوربند لپاره بیروت ته تللی او ویلي یې دي چې د جګړې د پای ته رسولو لپاره یې یو رښتینی فرصت لیدلی او اوس یې پر لور روان دی اسراییل به دا مسله نوره هم نږدې کړي
په دې اړه خبری سرچینو  ویلی: لبنان د یوې مادې د تعدیل غوښتنه وکړه چې له مخې یې د اوبو لاین وروستی سرحد ګڼل کیږی او دښمن باید له موافقو شویو نقطو څخه ووځی او نورې نقطې هم د اختلاف وړ سیمې ګڼل کیږی. همدارنګه، اشغالګر ځواکونه باید له پولو څخه شاتګ وکړي او د جګړې دمخه حالت ته راستانه شي؛ یعنی د ۲۰۲۳ کال د اکتوبر ۶.

د دغه رپوټ له مخې لبنان هم له صهیونیسټی رژیم څخه غواړی چې د اوربند له اعلانولو وروسته له ټولې لبنانی خاورې څخه د بشپړ یو شان او ګړندی وتلو لپاره دقیق وخت وټاکی او دغه چاره د بندیانو د آزادولو او د یو شمیر بندیانو د آزادولو سره مل وی. د مقاومت د شهيدانو او همداشان د لبنان او د امريکې مرکچي پلاوي تاکيد وکړ چې د دښمنۍ د ختمولو لپاره د اسرائيلو بشپړه تعهد او د لبنان په هره برخه کښې د نه پاتې کېدو ضرورت دی. ځکه چې که اسراییل وغواړي یرغل وکړي، په ناڅاپي ډول به له مقاومت سره مخ شي او په دې توګه به نور اوربند ونه شي.

په تاجکستان هېواد  کې په یوه وسله وال برید کې یو چینایی تبعه وژل شوی، څلور چینایان او یو تاجک ټپیان شوی دی.

سیمه ییزو چارواکو تایید کړې، چې د وسله والو کسانو دغه برید دتاحستان هیواد په سوېل کې د ختلان ولایت د شمس الدین شاهین ولسوالۍ په “زربوز” ولسوالۍ کې شوی دی.

دا سیمه له افغانستان سره د تاجکستان پولې ته څېرمه پرته ده او سرچینو ویلي چې په دغو سیمو کې قاچاقبران فعال دي.

د دوشنبې چارواکو د دې پېښې په اړه څه نه دي ویلي او نه هم تر دې دمه دیاد برید مسوولیت چا پر عاړه اخیستی دی

ځايي سرچينو ويلي، چې په دې وروستيو کې په “زربوز” سيمه کې د سرو زرو د استخراج يوه فابريکه ثبت شوې او په دې سيمه کې چينايي کارګران او انجنيران شتون لري.

په تاجکستان کې اووه سوه چينايان فعال دي، خو دا په تاجکستان کې د چينايي اتباعو پر ژوند لومړی بريد دی خو تر دې وړاندې د پاکستان په ځینو صوبو کې پر چینایي انجنیرانو او کار کوونکو باندې خونړي بریدون شوي دي

سره له دی چې امریکایی چارواکو دایران استازي او ماسک تر منځ دلیدنې او خبرو اترو انکار کړی و

اسوشیټېډ پرېسره، د یوه امریکايي چارواکي په حواله ریپوتورکړ چې دغه لیدنه تر سره شوې او په ډیرو مهمو مسلو باندې خبرې اترې شوی دي.

د ایران سفیر ایرواني د دوشنبې په ورځ په نیویارک کې له مسک سره وکتل، چې په دې اونۍ کې د فدرالي حکومت د کمولو په اړه د هغه حکومت ته د مشورې ورکولو لپاره معرفي شوی و. دغې سرچینې ویلي چې ده ته خبر ورکړل شوی چې په دې خبرو کې به د ایران د اټومي پروګرام، په منځني ختیځ کې د اسرائیلو ضد ډلو ته د دغه هېواد د ملاتړ او له امریکا سره د اړیکو د ښه کېدو د امکان په ګډون پر بېلابېلو موضوعاتو خبرې شوې. دغې سرچينې چې د نوم د نه ښودلو په شرط  وويل، چې په دې اړه د کوم لوري له خوا سمدستي پرېکړه نه ده شوې. هغه وویل چې ایرانیان د ماسک سره د غونډې وروسته د نړۍ ترټولو بډایه سړي وو او دا غونډه په ملګرو ملتونو کې د ایران په استازیتوب ترسره نه شوه. ټیم د ډونالډ ټرمپ مړینه تایید یا رد نه کړه، کوم چې لومړی د نیویارک ټایمز لخوا راپور شوی و.

په خوست کې د اسلامي امارت چارواکي وايي چې د دغه ولایت له غلام خان ګمرک څخه يې ۳۶ ټنه خرابې یا خوسا پاکستانۍ وریجې بېرته دغه هیواد ته لېږلې دي.
د باختر خبري آژانس د شنبې په ورځ راپور ورکړی چې دا وریجې پر دې سربېره چې په نباتي ناروغیو ککړې وې، حشرې یې هم لرلې.
امارتي چارواکو مخکې ویلي وو چې په ګمرکونو کې د وارداتي توکو پلټنه کوي او بې‌کیفیته مالونه بېرته استوي.
سره له دې چې پاکستان په ځلونو په بیلابیلو پلمو د افغانستان د مېوو او نورو صادراتي شیانو مخه نیسي، افغانستان د پاريپړو په شان د پاکستان مضرو تولیداتو ته خپلې وارداتي لارې تل پرانیستي دي.
د خوست د غلام خان بندر د مسوولانو له لوري د مضرو پاکستاني وریجو مخنیوی او مصادره، یو له لومړنیو ګامونو څخه دی چې د پاکستان د بې کیفیته محصولاتو د مخنیوي لپاره اخیستل کېږي او تمه ده چې دوام وکړي.
تر دې وړاندې د اسلامي امارت چارواکو ایران ته د بې کیفیته تېلو د وارداتو مخنیوی او بېرته دغه هېواد ته دمصادره کولو په برخه کې جدي ګامونه پورته کړي.

له افغانستان څخه د نشه یي توکو او وسلو د قاچاق په اړه د راپورونو په غبرګون کې د اسلامي امارت ویاند ذبیح الله مجاهد په یوه اعلامیه کې ویلي چې د افغانستان شاوخوا د امنیتي کمربند د جوړولو اړتیا نشته.
هغه د افغانستان د امنیت پر کنټرول ټینګار وکړ او ویې ویل چې ترهګرې ډلې لکه داعش ښه ځپل شوې دي.
بل لور ته، د سیاسي چارو کارپوه یحیی چاووش له سپوټنیک سره په مرکه کې څرګنده کړه چې په سیمه ییزو غونډو کې، چیرې چې د امنیتي کمربند د جوړېدو په اړه خبرې کېږي، باید روښانه شي چې د دې طرحې هدف څه دی او ایا دا یوازې د ګډو ګټو د خپلواکو هیوادونو ترمنځ په پولو کې پلې کېږي او که د ټول افغانستان په شاوخوا کې.
نوموړي زیاته کړه چې دا مهال د داعش بریدونه په شدت سره کم شوي، او ګاونډي هېوادونه باید خپلو داخلي ګواښونو ته ډېره پاملرنه وکړي.
چاووش یادونه وکړه چې څو کاله وړاندې په قزاقستان کې کودتا د هغو ډلو له لوري وه چې د دغه هېواد دننه فعالې وې، نه له افغانستان څخه. له دې امله د ګډو ګټو د خپلواکو هېوادونو لپاره اړینه نه ده چې د افغانستان له امنیتي ګواښونو وېرېږي، بلکې باید په خپلو هېوادونو کې دننه د امنیتي وضعیت په اړه اندېښنه ولري.

د دونالد ترمپ ټیم له پنتاګون څخه د پخوانیو پوځي افسرانو د لری کولو بهیر پیلوی.

دامریکې لوی درستیز  هم د ګوښّ کیدونکو افسرانو په لیست کې شال دی.

واشنګټن: د امریکا نوي ټاکل شوي ولسمشر ټرمپ موقتي ټیم د پنټاګون د چارواکو د ګوښه کولو لپاره لیستونه جوړ کړي دي.

یوې بهرنۍ خبري ادارې دعوه کړې ده چې د ډونلډ ټرمپ د واک د انتقال ټیم ​​د پنټاګون د یو شمېر چارواکو د لېسټونو جوړول پېل کړي دي.

په راپور کې ویل شوي چې په هغو افسرانو کې ممکن د ګډو ځواکونو لوی درستیز هم شامل وي چې پکې د پوځ، سمندري او هوايي ځواک مشر او د ملي ګارد غړي شامل دي

د ډونلډ ټرمپ د کابینې نومونې هم د هغه پلویان ناراضه کړي دي

راپور کې د ټرمپ د انتقالي ډلې ته نږدې یوې سرچینې ویلي، ډېری هغه چارواکي چې ګومان کېږي له مارک مېلي سره تړاو لري، چې د ټرمپ د پخواني ولسمشر په دوره کې یې د دفتر د رییس په توګه دنده ترسره کړې، له دندې ګوښه شي.

سرچینې زیاته کړه چې د افسرانو مفصل لیست چمتو شوی او هر هغه افسر چې د مارک میلي لخوا ټاکل شوی یا وده کوي له دندې به ګوښه شي.

د راپور له مخې، د امریکايي خبریال باب ووډوارډ کتاب ‘WAR’ چې تېره میاشت خپور شو، مارک میلي ته اشاره کړې او ټرمپ یې فاشیست مشر بللی.

باید وویل شي، چې ډونالډ ټرمپ له دې وړاندې هم د دفاعي بنسټونو پر افسرانو او د هغوی پر مسلکي رول نیوکې کړې دي.

د روغتیا نړیوال سازمان په خپل اوونیز راپور کې وویل چې د اکتوبر په میاشت کې په افغانستان کې د پولیو درې تازه پېښې ثبت شوې دي.
دا په داسي حال کې ده چې په پاکستان کې د پولیو پېښې ۵۰ ته نژدې شوې دي.
په افغانستان کې وروستۍ دوې پېښې د کندهار په میوند او غورک ولسوالیو کې او یوه یې د هلمند په نهر سراج ولسوالۍ کې ثبت شوې ده.
راپور څرګندوي چې په عمومي ډول د پولیو ۷۱ پېښې ثبت شوې دي، چې ۲۳ یې په افغانستان او ۴۸ یې په پاکستان پورې تړاو لري.
افغانستان او پاکستان لا هم په نړۍ کې هغه هیوادونه دي چې د پولیو ویروس پکې په بشپړ ډول له منځه نه دی تللی.
تر دې مخکې د روغتیا نړیوال سازمان ویلي و چې سږ کال د چاپیریال د پولیو پېښو شمېر ۴۱۰ ته رسېدلی، چې له دې جملې ۷۴ پېښې په افغانستان او ۳۳۶ یې په پاکستان کې موندل شوې دي.
ویل کېږي چې له پاکستانه د لکونو افغان کډوالو ایستلو په افغانستان کې سږ کال د پولیو پېښې ډېرې کړي دي.
خو په مجموع کې د نړیوالو له هڅو سره سره، افغانستان او پاکستان له پولیو څخه د پاکو هیوادونو پړاو ته د رسیدو لپاره سترې ننګونې په مخ کې لري.

د اسلامي امارت ‏د مخابراتو او معلوماتي ټکنالوژۍ وزارت د مخابراتي شبکو د انټرنیټ او غږیزو خدمتونو بیې راټیټوي.
د یاد وزارت مسوولین وایي د هېواد په مخابراتي بازار کې د لومړي ځل لپاره د فریکونسۍ داوطلبي ترسره شوه،چې پکې د ۹۸ میلیونه ډالرو په ارزښت ۴۸ میګا هرټز فریکونسي مخابراتي شرکتونو ته په اجاره ورکړل شوې ده.
تر دې اجارې وروسته به مخابراتي شرکتونه د انټرنیټ 4G خدمتونه وړاندې کوي.
دا خبر داسې مهال خپرېږي، چې اوسمهال په افغانستان کې د مخابراتي شبکو له انټرنیټي بیو او سرعت نه خلک ډېر شکایت لري.
عام خلک وایي د مخابراتي شبکو د انټرنیټ چټکوالی د 4G په نامه پلورل کېږي خو سرعت یې خلک له سختو ستونزو سره مخ کړی دی.