((دا د یوې لوبډلې او د یو ملت په توګه زموږ لپاره ستره بریا ده، په نړیوال جام کې اتلانو ته ماتې ورکول یو ښه احساس دی ))
دا دافغانستان دملي لوبډلې مشر راشد خان دهغې وینا یوه برخه ده چې نن سهار یې آسترلیا ته تر ماتې ورکولو وروسته په خبري غونډه کې وکړه.
په ننۍ لوبه کې افغانستان لومړی توپوهنه وکړه او د۶ لوبغاړو په سوځیدو، سیال ټیم ته د ۱۴۹ منډوهدف وټاکه .
رحمن الله ګربز او ابراهیم ځدران دلوبې تر ۱۵ اوورپورې ودریدل او د۱۱۸ منډو ملګرتیا یې وکړه خو تر هغوی وروسته بیا کوم لوبغاړی د ډيرو منډو په جوړولو بریالی نه شو .
په ځواب کې د استرلیا ټیم ټول لوبغاړي دلوبې په ۲۰ اوور کې د ۱۲۷ منډوپه جوړولو ، له لوبې بهرشول .دافغانستان له اړخه ګلبدین نایت ۴،نوین الحق۳،محمد نبی ،راشد خان او عمرزي یو یو لوبغاړي یې وسوځول.
داسترلیا لوبډلې له وتلي لوبغاړي مکسیول پرته نور لوبغاړي ښه ونه ځلیدل او دافغان توپ اچونکو له لورې ډیر ښه قابو شول.
افغان لوبډله،سیمي فاینل ته د وتلو لپاره ،بنګله دیش سره یوه بله لوبه په مخ کې لري خو استرلیا باید د هندوستان لوبدلې ته ماته ورکړی تر څو سیمي فاینل ته لاره ومومي.
