یاد برید داسې مهال شوی چې د امریکا د بهرنیو چارو وزیر انتوني بلېنکن په یوه بیان کې ویلي، د حماس او حزب الله د لوړپوړو مشرانو له وژل کېدو وروسته منځني ختیځ کې حالت نازک شوی دی.
د عراق په لوېديځ کې د الاسد پر هوايي اډې راکټي بريد ،امریکایی پوځیانو ته مرګ ژوبله هم اړولې ده پر دغه اډه دوه توغندي توغول شوي چې يو یې د اډې دننه لګېدلی دی.
تر دی پیښې وړاندې د امريکا ولسمشر جو بايډن پر اسرائيلو د احتمالي بريد په اړه د خپل ملي امنيت له لوړ پوړي ټيم سره کتلي و.
ښاغلي بايډن په دی ناسته کې خپلو امنیتي لوړ رتبه مامورینو ته له اسراییلو څخه د ایران او حزب الله د احتمالي بریدونو د ملاتړاو ساتنې اقدامات توضیح کړي دي.
ایران تازه ویلي دي چې په سېمه کې جنګ نه غواړي خو اسراییل باید ارو مرو خپل ځواب ترلاسه کړي.
له بلې خوا د لبنان حزب الله هم په بيروت کې د وژل شوي خپل يوه جګپوړي قومندان فواد شکر د غچ اخيستو ګواښ کړی او وايي دا جګړه يوه نوي پړاو ته ننوتلې ده.
په سيمه کې د جګړې له وېرې، د هغو حکومتونو شمېر چې له خپلو اتباعو یې غوښتي چې له لبنانه ووځي، مخ په زیاتېدو دی.
یو شمیر ډیرو هیوادونو خپلو اتباعو ته وار دمخه ویلي دي چې له لبنان او ایران څخه ووځی.
تر دی دمه دایران او حزب الله له خوا د غچ اخیستونکو بریدونو وخت او بڼه نه ده څرګنده شوې خو داسې بریښي چې راتلونکې ۷۲ ساعتونو پورې به کومه ستره پیښه رامنځته شي
