د لر او بر افغان ستر داعي، او د پښتو ژبې انقلابي شاعر ګیلامن پښتون د پاکستان د اسلام آباد په یو روغتون کې تېره شپه د ژورو ټپونو له امله د ژوند پور پرې کړ.
پرهغه درې ورځې وړاندې د څو تنو لخوا د چړو او لرګیو مرګونی برید وشو چې وروسته د درملنې لپاره د اسلام آباد پمز روغتون ته ولیږدول شو خو د پرله پسې هڅو وروسته بیاهم د هغه ژوند ونه ژغورل شو.
ښاغلي ګیلامن وزیر به تل په خپلو شعرونو او مبارزو کې پښتون قوم یووالي ته رابوله او تل به یې پاکستاني ریاست د پښتنو په وژنه او د پښتونو په سیمو کې په ناامنۍ تورناوه.
د پښتنون قوم دغه سترمبارز څو ځلي د هغه د تندو بیانونو له امله بندي کړی او شکنجه کړی هم وه، خو نوموړي به تل ویل چې ترڅو یې د پښتنو حقوق نه وي ترلاسه کړي خپلې مبارزې ته به دوام ورکړي.ټاکل شویده چې د ښاغلي ګیلامن پښتون جنازه به د شاندارو مراسمو په ترڅ کې په پښتونخوا کې په خپله پلرنی هدیره کې خاورو ته وسپارل شي.
