خبر
پر روسیې د اوکراین بیساري هوايی بریدونه
دروسیې په ډيرو مهمو ښارونو کې د تیلو چانځایونه په نښه شوي دي
اوکراین په روسیه کې پر تصفیه خانو د برید پړه پر غاړه واخیسته. په ورته وخت کې، مسکو ټینګار کړی چې د اوکراین د بې پیلوټه الوتکو د برید په پایله کې د روسیې په سویل کې د کراسنودار په سیمه کې د دوی په یوه چانځای اور لګیدلی.
د اوکراین د پوځ لوی درستیز په یوه بیان کې اعلان وکړ: دغو بې پیلوټه الوتکو د رادار سټیشنونو او نورو پوځي اهدافو سربیره، د روسیې په جنوب لویدیځ کې د ابیبسکي، ایلسکي، کراسنودار او استراخان په سیمو کې د تیلو د تصفیې کارخانې په نښه کړې.
تر دې مخکې د روسیې پوځ ویلي وو: د تورې بحیرې او کریمیا په ټاپو وزمه کې چې د مسکو تر کنټرول لاندې دي، ۷۰ بې پیلوټه الوتکې، د روسیې په کراسنودار سیمه کې ۴۳ بې پیلوټه الوتکې او یوه بله الوتکه د روسیې په ولګوګراد سیمه کې رانسکوره کړې ده. له بلې خوا د امریکا د ملی امنیت د شورا ویاند جان کربی اعلان وکړ: لومړیتوب کیف ته د هوایی دفاعی سیسټمونو ورکول دي او دغه هیواد به د اوړی تر پایه نور دفاعي توغندی ترلاسه کړی. هغه زیاته کړه: دا پریکړه د روسیې لخوا د سختو بریدونو په ترڅ کې د اوکراین د بیړنۍ اړتیا د پیژندلو لپاره د متحده ایالاتو لخوا شوې ده
