د ویسټ انډیز کرکټ ملي لوبډلې د ۲۰۲۴ نړیوال جام په دویمه لوبه کې د پاپوا لوبډلې ته د ۵ ویکټو په توپیر ماتې ورکړه او د دې ټورنمنټ په C ګروپ کې مخکښ ټیم شو. د پاپوا لوبډلې په لومړۍ پاڼۍ کې په ټاکلو ۲۰ اورونو کې ۱۳۶ منډې جوړې کړې او اته لوبغاړي یې له لاسه ورکړل. بل خوا د ویسټ انډیز لوبډلې ورکړل شوی هدف په ۱۹ اورونو کې د ۵ لوبغاړو په سوځیدو ترلاسه کړ. د امریکا د تکزاس ایالت په دالاس ښار کې د ۲۰۲۴ کال د کرېکټ د نړیوال جام په پرانیستونکې لوبه کې د امریکا لوبډلې کاناډا لوبډلې ته په ۷ ویکټو ماتې ورکړه. د افغانستان د کرېکټ ملي لوبډله د شل اوریز نړیوال جام په نهم پړاو کې لومړۍ لوبه د سه شنبې په ورځ د جون میاشتې په ۴ مه نېټه د یوګانډا له لوبډلې سره ترسره کوي او بیا به د نیوزیلنډ، پاپوا نیو ګیني او لوېدیځ له لوبډلو سره لوبه کوي.
