دافغانستان حکومت دروسیې د «ترهګرو سازمانونو» له لیست څخه د طالبانو د ایستلو د احتمال هرکلی کړی دی.
ذبیح الله مجاهد د روسیې د بهرنیو چارو د وزیر سرګي لاوروف د هغو څرګندونو هرکلی کړی چې د تروریستي سازمانونو له لست څخه یې د طالب مشرانو د ایستلو په اړه کړې دي.
نوموړی د دغه اقدام دستاینې ترڅنګ هیله یې څرګنده کړه چې ژر تر ژره عملي شي.” “افغانستان د روسیې په ګډون له ټولو هېوادونو سره ښې اړیکې غواړي.”
پرون د ازبکستان په پلازمېنه تاشکند کې دروسیې ولسمشرښاغلي پوتین هم په ورته څرګندونو کې ویلي دي چې له طالبانو سره د اړیکو لرلو ته اړتیا ده: «موږ باید حقایق په پام کې ونیسو او اړیکې جوړې کړو. افغانستان د ټولو لپاره د نه منلو وړ او ښکاره ستونزې لري. له اوسني حکومت سره يې څنګه اړيکې ټينګې کړې بله پوښتنه ده. خو اړیکي باید په یو ډول جوړې شي، دا هغه کسان دي چې دا هیواد او دا خاوره کنټرولوي او د افغانستان اوسني واکمنان دي.»
جواب دهید