دبخښڼې نړیول سازمان دنوي راپور سره سم په نړۍ کې د ثبت شویو اعدامونو 75سلنه په ایران کې شوي دي
د بخښنې نړیوال سازمان په نړۍ کې د اعدام د سزا په اړه په خپل وروستي کلني راپور کې په ایران کې د اعدامونو د زیاتوالي خبر ورکړی او ویلي یې دي چې په ۲۰۲۳ کال کې په نړۍ کې د ټولو ثبت شویو اعدامونو نږدې ۷۵ سلنه په ایران کې شوي دي.
د بښنې نړیوال سازمان وايي، په ۱۴۰۱ کال کې د «ښځې، ژوند، ازادۍ» له غورځنګ وروسته، د ایران حکومت په خلکو کې د وېرې د رامنځ ته کولو او پر واک د خپل کنټرول د ټینګولو لپاره د اعدام سزا ډېره کړې ده.دبخښنې تړیوال سازمان له خوا په خپور شوي ګراف کې په نړۍ کې د 2014 څخه تر 2023 پورې د اعدام د سزاګانو کچه ښودل شوې
چې ښیي په نړۍ کې د اعدامونو د ثبت شویو شمیرو زیاتوالی په عمده توګه په ایران کې د اعدام په سزا کې د پام وړ زیاتوالی دی.
د دغه راپور له مخې تېر کال په ایران کې د اعدامونو شمېر ۸۵۳ ثبت شوی، چې د تېر کال په پرتله نږدې ۵۰ سلنه ډېر شوی او له چین وروسته ایران د هغو هېوادونو د لېست په سر کې ځای لری چې د اعدام سزا اجرا کوی.
د بښنې نړیوال سازمان د نوي راپور له مخې تېر کال په ټوله نړۍ کې د اعدامونو ۱۱۵۳ پېښې ثبت شوي چې له ۲۰۱۵ کال راهیسې تر ټولو لوړه شمېره ده.
