ایران حکومت دافغاني کار ګرانو داستخدام جرمانه لوړه کړه

د ایران د اسلامی جمهوریت د بهرنیو اتباعو د کارموندنې عمومی ادارې له اسنادو پرته د بهرنیو کارګرانو په تیره بیا د افغانانو د استخدامولو جریمه لوړه کړې ده .

د تسنیم په وینا، د دغو کارګرانو د استخدام جریمه هره ورځ ۱.۲ میلیونه تومان ده.

دغې رسنۍ د سه شنبې په ورځ (پنجشنبه د چنګاښ ۱۸مه) خبر ورکړ چې د ایران د کار او ټولنیزو چارو وزارت د کارګرانو لپاره د کار له اجازې پرته د بهرنیانو د ګمارلو لپاره جریمه ټاکلې ده.

د دې راپور پر بنسټ، د بهرنیو اتباعو د استخدام عمومي ریاست خبرداری ورکړی چې د سرغړونې په صورت کې به د جریمې اندازه دوه برابره شي.

، “په ایران کې د بهرنیانو په تېره بیا د افغان اتباعو اسانه حضور او کار هغه ستونزه ده چې له څو لسیزو راهیسې د هېواد د کار په بازار کې په یوه نه جبرانېدونکې واقعیت او جدي ستونزه بدله شوې ده.”

د دغه هېواد د رسنیو د راپورونو له مخې، په ۱۴۰۲ هجري لمریز کال کې د بهرنیو اتباعو د استخدام جریمه د ورځې ۸۸۴۷۱۴ تومان وه.

داسلامی جمهوریت مقاماتو په ځلونو په دغه هیواد کښې کارګرانو ته په بیلا بیلو سکتورونو کښې د افغانانو د کار کولو په هکله خبرداری ورکړی دی .

دغه هېواد په ټول ایران کې د کاري اسنادو، موقتي کاري کارتونو او یا د کار له جواز پرته کارګرانو ته د کار پر اجازه بندیز لګولی دی.

د وروستیو شمېرو له مخې تېر کال څه باندې دوه زره بهرني کارګران په البرز ولایت کې او نږدې ۲۰۰ کارګران په کرمانشاه ولایت کې وپېژندل شول.