اسراییل وایی چې د دوی یو زغره وال موټر پرځای پرځای شوي بارودي موادو ختلی اوچاودنه رامنځته شوې ده
د اسراییلي رسنیو په وینا، مقاومت لا دمخه په هغه ځای کې چاودیدونکي توکي ځای پر ځای کړي وو چې اسراییلي سرتیري باید تیر شي، او کله چې د اسراییلي پوځ یو زغره وال موټر په چاودیدونکو توکو ولګېد، چاودنه وشوه چې تلفات یې رامنځته کړل.
د راپور له مخې، سرتیري پرون په جنوبي غزه کې ووژل شول او ټول وژل شوي سرتیري د انجینرۍ کنډک پورې اړه لري، پداسې حال کې چې د وژل شویو سرتیرو عمرونه د ۱۹ او ۲۱ کلونو ترمنځ دي.
دغه راز د سه شنبې په ورځ په جنوبي غزه کې په یوه بله پیښه کې یو اسراییلي سرتیري هم ټپي شو.
د اسراییلي رسنیو په وینا، پوځ په غزه کې د وژل شویو ۶ سرتیرو هویت څرګند کړی، خو د یو سرتیري هویت لا نه دی څرګند شوی.
