د متحدو ایالتو ولسمشر ډونلډ ټرمټ د استخباراتي ارزونې په تړاو د رسنیو رپوټونو ته غبرګون څرګند کړی.
پر خپله خواله رسنۍ ټروث سوشل یوه تازه پیغام کې پر امریکايي رسنیو او د دوی پر خبري پوښښ سختې نیوکې کړې.
نوموړي لیکلي: ”جعلي خبرونه سي این این، له ناکام نیویارک ټائمز سره یو ځای په یوه ډله کې د دې هڅې لپاره یو ځای شوي چې په تاریخ کې تر ټولو بریالي بریدونه بې معنی ثابت کړي. په ایران کې اتومي تاسیسات په بشپړ ډول ویجاړ شوي دي! ټائمز او سي این این دواړه د خلکو لخوا رټل کېږي.”
د ټرمپ حکومت اداره پرلپسې هغه رپوټونه ردوي چې وايي، د امریکايي بریدونو له کبله د ایران اتومي پروګرام له منځه نه دی تللی.
د یوې نظر پوښتنې پایله چې په امریکا کې د بي بي سي همکارې رسنۍ سي بي اېس خپره کړې، ښيي چې په دې هېواد کې ډېری خلک، یعنی ۵۶ سلنه د ایران پر اتومي تاسیساتو د امریکايي ځواکونو له بریدونو سره مخالف وو.
د خلکو لوی اکثریت دې نظر پوښتنې ته ځواب کې ویلي، ولسمشر باید د دې بریدونو لپاره د امریکا کانګرېس هوکړه ترلاسه کړې وای. د خلکو لوی اکثریت یعنی ۸۵ سلنه ګډونوالو د اړوند ګوندونو
په ورته وخت د برید ملاتړو او مخالفینو له ګوندي لیدلوري په دې اړه خپل نظرونه څرګند کړي دي، چې د برید ډېری ملاتړي یعنی ۸۵ سلنه ګډونوال جمهوري غوښتونکي رایې ورکوونکي دي.
بل لور د دې هوايي بریدونو ډېری مخالفین، یعنی ۷۸ سلنه ګډونوال د دیموکرات ګوند رایې ورکوونکي دي.
خو دې نظر پوښتنې ته د ځواب ورکوونکو یو پاموړ ټکی دا دی چې ګډوال نه خو ځان دیموکرات بولي او نه هم جمهوریت غوښتونکي، بلکې په اصطلاح خان ‘خپلواک’ بولي.
په دې کسانو کې چې ځان خپلواک بولي، ۶۴ سلنه ګډونوالو له دې بریدونو سره مخالفت کړی او یوازې ۳۶ سلنه کسان یې ملاتړي دي، یعنی خپلواک رایې ورکوونکو لوی اکثریت د دې هوايي بریدونو په هکله دیموکراتانو ته ورته نظر څرګند کړی دی.
