د سیستان او بلوچستان غریبو او تږو خلکو ته اوبه ورکول اسلامي مسؤلیت دی
دایران ولسمشر مسعود پزشکیان د افغانستان حکومت د بهرنیو چارو وزیر هرکلی وکړ؛ د ایران او افغان کډوالو د حقونو په اړه بحث
امیر خان متقی: د سیستان او بلوچستان غریبو او تږو خلکو ته اوبه ورکول اسلامي مسؤلیت دی، او د تندې څخه رنځیدونکي مسلمان ته اوبه ورکول ثواب لري
د ایران ولسمشر مسعود پېژاکیان د یکشنبې په ورځ د تهران د خبرو اترو د فورم په څنډه کې د افغانستان د بهرنیو چارو له وزیر امیر خان متقي سره ولیدل او خبرې یې وکړې.
د بهرنیو چارو وزارت ویاند وویل چې په دې غونډه کې د دواړو هېوادونو ترمنځ پر اړوندومسلو خبرې وشوې، په ځانګړې توګه په ایران کې د میشتو افغان کډوالو پر وضعیت.
د بهرنیو چارو وزارت په یوه اعلامیه کې د ایران د ولسمشر له قوله ویلي چې تهران چمتو دی چې له طالبانو سره په مختلفو برخو کې خپلې اړیکې پراخې کړي، او همدارنګه یې ژمنه وکړه چې په ایران کې د افغان کډوالو وضعیت به اسانه کړي. د اعلامیې له مخې، امیر خان متقي د ایران له ولسمشر څخه وغوښتل چې د افغانانو د ایستلو پروسه تدریجي کړي ترڅو د دوی د کار او مالي چارو زیانونه جبران شي.
د بهرنیو چارو وزارت د یوې اعلامیې له مخې، د دې سفر په ترڅ کې، امیر خان متقي له خپل ایراني سیال عباس عراقچي سره ولیدل، او دواړو خواوو د اوبو او کډوالو مسلو، او همدارنګه د ګډو امنیتي او سوداګریزو مسلو په اړه خبرې وکړې.
متقي همدارنګه د دواړو هېوادونو ترمنځ په بېلابېلو برخو کې د همکارۍ د پراخولو په موخه د ډیپلوماټیکو اړیکو د کچې د لوړولو غوښتنه وکړه.
هغه د “تهران د خبرو اترو په فورم” کې پدوېنا پر مهال د طالبانو د حکومت لخوا د ایران د حقونو په درناوي ټینګار وکړ او ویې ویل چې “د سیستان او بلوچستان د بې وزلو او تږو خلکو لپاره د اوبو برابرول یو اسلامي مسؤلیت دی” چې د طالبانو پر غاړه دی.
هغه زیاته کړه: “هغه مسلمان ته چې تږی وي اوبه ورکول اجر لري.”
متقي وویل چې طالبان د اوبو په اړه د ایران د حقونو د تر پښو لاندې کولو اراده نه لري او د اوبو رسولو ته یو مذهبي مسؤلیت ګڼي چې باید د ضایع کیدو مخه ونیول شي او ډاډ ترلاسه شي چې پاکې اوبه خپل منزل ته ورسیږي.
هغه څرګنده کړه چې د ایران په سیستان او بلوچستان کې اوسنۍ وچکالي نن ورځ د افغانستان په نیمروز، هلمند او فراه ولایتونو کې هم شتون لري.
سربېره پردې، هغه وويل چې نن موږ شاهدان يو چې د بارانونو له امله اوبه له يوې مياشتې راهيسې ايران ته رسېږي.
