کله چې د۲۰۲۳ کال داکتوبر په ۷نیټه پر اسراییلي مرکزونو باندی د حماس بریدونه پیل شول او په سل هاوو اسراییلی پوځیان د حماس جنګیالیو په لاسونو برمته شول،اسراییل په خپل ټول قوت سره پرغزې باندی له ځمکې او هوا بریدونه پیل کړل.اسراییل دیادو بریدونو موخه د حماس دپوځي قوت ختمول یاده کړې وه خو تر حماس ملکي خلک او په تیره بیا ښځې او ماشومان په عمدي توګه داسراییلي ځواکونو له خوا ډیر په نښه شول .کله چې دملکي تلفاتو شمیرتر لسو زرو واوښت ،دملګرو ملتونو امنیت شورا داوربند په هکله خپلې هڅې پیل کړې چې درې ځلې یادې هڅې د امریکې دمتحده ایالتونوله خوا ناکامې شوې خو په پای کې په هغه پریکړه لیک کې چې د۲۰۲۴ کال دمارچ میاشتې په۲۵نیټه تصویب شو،په غزه کې د سمدستي اوربند او د حماس د یرغمل شویو بندیانو د غیر مشروط خوشې کولو غوښتنه وشوه.
امریکا، چې مخکې یې د اوربند درې پریکړه لیکونه ویټو کړي وو،ممتنع پاتې شوه. له امریکا پرته د امنیت شورا نورو غړو د دغه پرېکړه لیک په حق کې رایه ورکړه
دغه پریکړه لیک د امنیت شورا د لسو غیر دایمي غړو له خوا طرحه شوی و.
که څه هم امریکا تر دې دمه د نړیوالو فشارونو په زیاتیدو سره سمدستي اوربند ته د اسراییلو د مکلفیت په اړه لیوالتیا ښودلې وه، خو د روژې تر پایه پورې د جګړې د بندیدو په خاطر یې له دغه پریکړه لیک څخه ډډه وکړه.
د امنیت شورا په پریکړه لیک کېد بشري مرستو د پروسې د پراختیا او په ټوله غزه کې د ملکي وګړو د خوندیتوب د زیاتولو او په لویه کچه د مرستو رسولو په وړاندې د ټولو خنډونو لرې کولو باندې ټینګار شوی وو.
د دی پریکړه لیک تر تصویبیدو وروسته دنړۍ ټول انسانان دسملاسي اوریند په تمه شیبې شمیرلې خو د اسراییلو له خوا دغه پریکړه لیک هم ونه منل شو او د دغه هیواد پوځونو خپلو بشري جنایتوو ته ادامه وکړه چې تر نن پوری هم دوام لري او دبیګناهو فلسطینیانو دشهیدانو شمیر تر ۳۵زرو پورې لوړ شوی دی.
دملګرو ملتونو دامنیت شورا اوس د خپل حیثیت داعادې له پوښتنې سره مخامخه ده ځکه چې دیادې شورا یوه مهمه پریکړه د اسراییلو له خوا چلنج شوې ده.
نه په غزه کې اوریند ټینګ شوی دی ،نه اسیران خوشي شوي دي او نه هم دبشري مرستو د رسولو لپاره په ټولیزه توګه لارې پرانیستل شوی دي .
حتی اوس چې داوریند خبره توده ده بیا هم اسراییل داسې څرګندونې لري چې د اوربند له ټینګیدو سره سره به په رفح ښار باندی بریدونه پیل کړي.حال داچې رفح دهغو خلکو پنډغالی دی چې له جګړې او اسراییلي ځواکونو تښټیدلي او دی ښار کې یې پناه اخیستې ده.
که چیرې اسراییل دخپلوخبرو او جنیاتونو پر دوام ټینګار وکړي نو دملګرو ملتونو او امنیت شورا نړیوال اعتبار او حیثیت سخت زیانمن کیږي او تر سخټو پوښتنولاندې راځي.
په دی توګه ملګري ملتونه دوه لارې لري :
لومړۍ داچې دخپل حیثیت دساتلو لپاره پوځي مداخله او په غزه کې سوله ساتي ځواکونه ځای پرځای کړي چې دغه صلاحیت د ملګرو ملتونو دمنشور له مخې لري.
دوهم داچې له ځپل نړیوال اعتبار او حیثیت تیرشي او په راتلونکي
کې د دی انتظار وباسي چې هر کوچنی هیواد دملګرو ملتونو او امنیت شورا پریکړې چلنج کړي او ملندې پرې ووهي.
