د اسراییلو پوځ په غزه کې د بې ځایه شویو فلسطینیانو په خیمو باندې د بې پیلوټه الوتکې برید وکړ.
د یوې بهرنۍ خبري ادارې د راپور له مخې، اسراییلي پوځ د وړیا خوړو د ویش یو مرکز هم په نښه کړ، په داسې حال کې چې د اسراییلو په برید کې ۱۳ فلسطینیان شهیدان او ګڼ شمېرنور ټپیان شوي دي.
له بلې خوا، د حماس ویاند عبداللطیف په جبالیا کې د اسراییلو په هوايي برید کې شهید شو.
راپورونه ښيي چې د اسراییلو د وروستي بمبارۍ له امله ۱۴۲۰۰۰ فلسطینیان له خپلو کورونو څخه وتلو ته اړ شوي دي.
د یادونې وړ ده چې د ۲۰۲۳ کال د اکتوبر له ۷مې راهیسې په غزه کې د اسراییلو د یرغل له امله د وژل شویو فلسطینیانو شمېر له ۵۰ زرو څخه اوښتی دی.
