ازبکستان ته دافغانستان دلوړ رتبه پلاوي سفر
دریاست الوزرا اقتصادي مرستیال،د کانونو او پټرولیم ، ترانسپورت او هوايي چلند، صنعت او سوداګرۍ وزیران،پلاوي کې شامل دي
د افغانستان اسلامي امارت دریاست الوزرا اقتصادي مرستیال ملا عبدالغني برادر د شنبې په ورځ، د کب میاشتې ۴ نیټه.
د کانونو او پټرولیم وزیر هدایت الله بدري، د ترانسپورت او هوايي چلند وزیر حمیدالله اخوندزاده، د صنعت او سوداګرۍ وزیر نورالدین عزیزي، د کرنې وزیر عطاء الله عمري او د مرکزي بانک مشر نور احمد آغا هم دریاست الوزرا له مرتیال سره په دی سفر کې ملتیا کوي.
د ریاست الوزراداقتصادي چارو مرستیال دفتر د دې سفر موخه له ازبکستان سره د سیاسي او سوداګریزو اړیکو پراختیا اعلان کړې ده.
د ملا عبدالغني برادر له دفتر څخه د خپرې شوې خبرپاڼې له مخې، دا سفر دوه ورځې دوام لري او ټاکل شوې ده چې په تاشکند کې د ازبک چارواکو سره د اړیکو د پراخولو په اړه خبرې اترې وشي.
ازبکستان، دافغانستان له اسلامي امارت سره پیاورې ډیپلوماتیکې او اقتصادي اړیکې لري او په تاشکند کې یې د افغانستان سفارت اسلامي امارت ته سپارلی دی.
یاده دې وي چې ازبکستان ته د افغانستان داوسني لوړ پوړي پلاوي له سفر څخه مخکې، دازبکستان هېواد یو پلاوی کابل راغلی وو او له اسلامي امارت سره د ځینو اقتصادي پروو تړونونه لاسلیک کړل.
