ریاض کې د امریکا او روسیې ترمنځ د اوکرایین جګړې په تړاو خبرو کې موافقه وشوه چې دواړه لوري دخبرو دوام لپاره مرکچي پلاوي ټاکي.
د دغو هېوادونو پلاوي پردې غږېږي چې اوکرایین کې جګړه څنګه پای ته رسېدای شي.
دا د روسیې له خوا پر اوکرایین له یرغل راهیسې د روسي او امریکايي چارواکو ترمنځ لومړنۍ مخامخ خبرې دي.
امریکا وايي دا خبرې اترې لومړی ګام دی چې ایا روسیه د جګړې د پای ته رسولو په اړه جدي ده او که نه. روسیې د دې خبرو اترو موخه له امریکا سره د خپلو اړیکو عادي کول بللي دي.
اوکرایین او اروپايي ټولنه دغو خبرو ته نه دي وربلل شوي.
د اوکرايين ولسمشر ولادمير زېلېنسکي ويلي هېڅ داسې هوکړه به ونه مني، چې اوکراین په کې نه وي
کله چې دامریکې ولسمشر دونالد ترمپ له ولادیمیر پوتین او زیلنسکي سره ټیلفوني خبرې وکړې،په کیف او اروپا کې دخبردارېو او نویو اندیښنوڅپه پیل شوه.
اروپایي اتحادیې دبیړنۍ ناستې پرېکړه وکړه او په ډاګه یې کړه چې داوکراین ځمکنۍ بشپړتیا اړینه ده.
اروپا کې اندیښنو هغه مهال زور واخیست چې دامریکې ولسمشر دونالد ترمپ اعلان وکړچې نه اوکراین دناتو غړی کیدای شي او نه هم په جګړه کې روسیې ته ماتې ورکولای شي.
ددونالد ترمپ یادو څرګندونو،دامریکې او روسیې ترمنځ د تازه پټو معاملو شکونه یې را وزېږول.
کله چې دمحمد جولاني پوځونو،دبشارالاسد حکومت مات کړ،داسې ګونګوسې موجودې وې چې دامریکې او روسیې تر منځ داسې یوه معامله شوې ده چې دسوریې په بدل کې به داوکراین دخاورې ځینې مهمې برخې،روسیې ته وکړای شي.
واک ته تر رسیدو وروسته چې دونالد ترمپ داوکراین او روسیې په اړه خپل وروستی نظر څرګند کړ، اروپا ولړزیده چې په رښتیا هم امریکا داوکراین دځینو برخو په بدل کې له روسیې سره تعامل کړی دی .
داوکراین ولسمشر زیلنسکي هم له دې ویرې چې داسې یوه معامله ونه شي، دمعمول پرخلاف،دامریکې ولسمشر دنظریاتو پرخلاف وویل چې دهغوخبرو اترو پایلې به ونه مني چې اوکراین پکښې ونډه ونلري.
اوس چې دامریکې او دروسیې دبهرنیو چارو وزیران او استازي په ریاض کې سره کتلي دي او دونالد ترمپ وایي چې په اوکراین کې داوربندلپاره به خپلې نهایي هڅې وکړي،داسې ښکاري چې دونالد ترمپ نه د اوکراین دمشرتابه دریځ ته ارزښټ ورکوي او نه هم د اروپایي اتحادیې اندیښنوته.
په داسې حال کې چې اوکراین له اروپایي اتحادیې سره هر اړخیز تړون لري چې پوځي همکارۍ هم پکې شاملې دي.
له بلې خوا اروپایي اتحادیه پردې باندې هم پوهیږي چې پر اوکراین دروسیې زبردستي نه یوازې د اروپا سیاسي او امنیتي اعتبار ته زیان اړوي بلکه داقصاد له پلوه هم اروپا کمزورولای شي.
له بله پلوه په مونیخ کنفرانس کې د دونالو ترمپ د نوي استازي هغه څرګندونې چې ګنی اورپا کې د وېنا ازادی تر ګواښ لاندې ده، په اروپا کې داسې انګېرنې راټوکولې دي چې دونالد ترمپ به داروپآ پرځای روسیې ته لومړیتوب ورکړي او دنړۍ سیاسي نقشه به د روسیې په خوښه بدله کړي.
په دی توګه داروپایي اتحادیې او امریکې تر منځ به د اوکراین دمسلې پر سرنوې لانجې او نوې مقابلې په پېلېدو وي.
دامریکې او اروپایي ټولنې مقابله به په لومړي سر کې امریکې ته ډیر زیانونه واړوي ځکه چې لومړی خو دجمهوري غوښټونکو ګوندبه نویو مخالفتونو سره مخامخ اوکورنی اعتبار یې را کم کړي ځکه چې دامرکې ولس له اروپایې اتحادیې سره دهغه هېواد اړیکې مهمې ګڼي . دغه اتحادیه هر وخت دناټوپه چوکاټ کې دګډو ماموریتونودترسره کېدو،ملي او سیاسي تاوانونه منلي دي.اوس هم د اروپایي اتحادیي ځیني هېوادونه د ناتو مهم غړي دي. د دی په خوا کې دبرېتانیا هېواد هم دروسیې پر وړاندې له اوکراین څخه کلکه دفاع غواړي.یاد هېواددامریکې کلک ملګری هېواد دی چې په ډېرو مهمو نړېوالو مسلو کې له امریکې سره ګډ دریځ لري.
که چیرې دونالد ترمپ په یو اړخیز ډول ، روسیې سره د اوکراین دځینو برخوله یوځای کېدو سره موافقه وکړي،دخپل نږدی دوست بریتانیا ملاتړ به هم له لاسه ورکړي.
په دی توګه دامریکې او اروپایي اتحادیې ترمنځ واتڼ به ناتوهم له نویو چلنجونو سره مخامخ کړي.
دناتواوامریکې مقابله به دامریکې ضد هېوادونو ته داچانس هم ورکړي چې له نوموړې اتحادیې سره ځان نږدې کړي،
اروپا په اقتصادي اړخ کې هم پر امریکې باندې دومره تکیه نلري خو امریکا به له ډیرو هېوادونو سره داقتصادي مناسباتو له چلنج سره هم مخ شي.
