د ټرمپ خیالونه او د امریکي تیاره راتلونکې

د دوهم ځل لپاره واک ته له رسیدو وروسته، د متحده ایالاتو ولسمشر ډونالډ ټرمپ د متحده ایالاتو د کورنیو او نړیوالو پالیسیو په اړه متضادې څرګندونې کوي. هغه د خپل ټاکنیز کمپاین پرمهال مله اغراقه أکي وعدي کړې وې او په داسې حالت کې دی چې هرڅوک له هغه څخه د لویو او معجزاتي بدلونونو تمه لري (ځکه چې هغه پخپله دا ډول ژمنې کړې وې).

له همدې امله، هغه اړ دی چې کیسې جوړې کړي او د امریکا لپاره دفرصتونو پرځای ننګونې رامینځته کړي.

د ټاکنیز کمپاین په جریان کې، د خلکو د حیرانولو او د هغوی د پام اړولو لپاره، هغه به غرونو څخه دریابونه جوړکړل. کله به یې ویل چې د امریکا زرین دور به پیل شي، او کله به یې د کاناډا او پاناما په څیر هیوادونو له متحده ایالاتو سره د یوځای کیدو په اړه خبرې کولې. دې پلمود هیرس لپاره د  ماتې او سپینې ماڼۍ ته د ډونالډ ټرمپ د ننوتلو لاره اواره کړه. اوس چې ټرمپ د امریکا ولسمشر شوی او ګوري چې موجوده امکانات د هغه د زرینو ژمنو د پلي کولو سره مطابقت نلري، هغه مغشوش دی او هڅه کوي چې د خلکو ذهنونه تحریف کړي او د خلکو پام نورو مسلو ته واړوي ځکه خو دغزې دنیولو خبره کوي.

ښاغلي ټرمپ د کډوالو  ایستلو او د تعرفو جګړې سره د امریکا طلايي دوره پیل کړه. هغه د ټولو هغو الوتنو د ځنډولو اعلان وکړ چې کډوال یې متحده ایالاتو ته لېږدول او د متحده ایالاتو نړیوالې مرستې یې د ۹۰ ورځو لپاره وځنډولې ترڅو بیا ارزونه یې وشي. دې کار په متحده ایالاتو او ټوله نړۍ کې غوغا رامنځته کړه، او ټولو پرې نیوکې وکړې ځکه چې دا به له یوې خوا بشري بحران زیات کړي او له بلې خوا به د امریکا نړیوال اعتبار کم کړي. لږ وروسته، د متحده ایالاتو د بهرنیو چارو وزارت د ډونالډ ټرمپ د حکم تعدیل لپاره یوه اعلامیه خپره کړه، او ویې ویل چې بیړنۍ او مهمې بشري مرستې له دې حکم څخه مستثنی دي. د امریکا د بهرنیو چارو وزارت دا هم وویل چې د کډوالو په اړه د ډونالډ ټرمپ په حکم کې هغه کسان شامل نه دي چې له امریکا سره د کار دوسیې لري یا په امریکایي پروژو کار کړی دی. له هغې وروسته، فدرالي قاضي ډیبورا ایل بورډمن د ولسمشر ډونالډ ټرمپ هغه فرمان چې د غیرقانوني کډوالو او لنډمهاله ویزو لرونکو بهرنیو اتباعو د ماشومانو د تابعیت حق محدودوي، د نامعلومې مودې لپاره تعلیق کړ. د امریکا د یوې ولسوالۍ قاضي د میریلینډ په ګرین بیلټ کې د محکمې له اوریدنې وروسته د لنډمهاله بندیز امر صادر کړ. دا قضیه د مدني حقونو ډلو لخوا وړاندې شوې وه چې استدلال یې کاوه چې د ټرمپ امر د امریکا د اساسي قانون د ۱۴م تعدیل د تابعیت مادې سرغړونه ده.

ډونالډ ټرمپ هم د تعرفې لوبه خپلو سیالانو ته پریښوده. کله چې هغه له چین څخه وارد شويو توکو باندې ۱۰ سلنه، له مکزیک څخه وارداتي توکو باندې۱۵ سلنه او کانا څخه وارداتي توکو باندې۲۵ سلنه تعرفې ولګولې، کاناډا او چین هم ورته اقدامات وکړل. چین د امریکا په وارداتو ۱۵ سلنه اضافي تعرفې ولګولې، او کاناډا د امریکا په وارداتو ۲۵ سلنه اضافي تعرفې ولګولې.  ډونالډ مجبوره شو چې د کاناډا او مکسیکو څخه په وارداتو باندې د تعرفو پلي کول وځنډوي. ټرمپ د خپلې لوړې په ورځ ژمنه وکړه چې بله جګړه به نه پیلوي بلکې موجوده جګړې به پای ته رسوي، خو اوس هغه د غزې د اشغال په اړه خبرې کوي. د غزې اشغال د داسې یوې جګړې معنی لري چې کلونه او لسیزې به دوام وکړي. د ویجاړۍ یوه جګړه چې هره ورځ به لسګونه تابوتونه امریکا ته واستوي. غزه د شهیدانو ځمکه ده. د هغو مجاهدینو ځمکه چې سر ورکوي خو سنګر نه ورکوي. هغه سرتیري چې اسراییل او د هغه ملاتړږته یې ماتې ورکړې ده. ډونالډ ټرمپ غواړي د دې ښار اوسیدونکي نورو ځایونو ته واستوي او ښار ونیسي.

د امریکا هوښیار خلک له دې شیبې څخه پوهیږي چې دا جګړه او دا پوځي شتون (چې د ذهنونو د تحریفولو او د ټرمپ د طلايي ژمنو څخه د پام اړولو لپاره ډیزاین شوې ده)  امریکا له  اوږدې اوفرسایشي جګړې سره مخامخ کوي. خو هغه کسان چې لا هم ډونالډ ټرمپ د امریکا هوښیار او خدمتګار مشر ګڼي،  ډېره موده وروسته چې په غزه کې د امریکا د شتون ترخې پایلې  وویني، پوه به شي چې دوی دې خیلي سړي ته په رایه ورکولو سره لویه تېروتنه کړې ده.

د دې کس په مشرۍ کې به امریکا تیاره راتلونکې ولري، نه به د نړۍ اقتصادي او پوځي ځواک وي او نه به سیاسي اعتبار او حیثیت ولري، ځکه چې د غزې د نیولو پلان به د نړۍ ټول مسلمانان د امریکا پر وړاندې راوپاروي چې امریکا به یې دمقابلې توان ونلري.