کوټه کې ځانمرګي برید ۲۴ کسان وژلي او ۴۰ نور یې ټپیان کړي دي
چاودنه دریل په تم ځای کې رامنځته شوې ده
په کوټه کې د اورګاډي په پلیټ فارم باندې ځانمرګي برید کې د یوې ښځې په ګډون ۲۴ کسان وژل شوي او ۴۰ نور ټپیان شوي دي.
د ریلوې چارواکو په وینا جعفر ایکسپریس نن سهار نهه بجې پېښور ته روان و، چې اورګاډي لا په پلیټ فارم نه وو چې چاودنه وشوه، چاودنه د اورګاډي په سټیشن کې د ټکټ کور سره نږدې وشوه.
د کوئټې کمشنر محمد حمزه شفقت پخلی کړی دی چې په رېلوې سټېشن کې چاودنه ځانمرګی برید وو، ځانمرګی د سامان سره رېلوے سټیشن ته داخل شوی وو، د داسې کس مخه نیول ګران کار دی چې ځانمرګی برید لپاره راشي.
د بله پلوه د کوئټې د سول هسپتال ډاکټر نورالله په وینا په هسپتال کښې بیړنی حالت نافذ شوی دی او د طبی امداد لپاره اضافی ډاکټران او عمله استولې شوی ده.
دپوليسو جراح ډاکټر عايشه فيض پخلى کړى دى چې په دغه چاؤدنه کې د يوې ښځې په ګډون ٢٤ کسان وژل شوي دي.
د بلوچستان اعلا وزیر سرفراز بګټي دغه چاودنه په کلکه غندلې او له لوړ پوړو چارواکو سره یې د پېښې د پلټنو امر کړی او راپور یې غوښتی دی.
د بلوچستان وزيراعلي وايي، د ترهګرۍ په ګڼو پېښو کې ککړ عناصر پاى ته رسېدلي، په صوبه کې د ترهګرو پر ضد عمليات روان دي، په ګڼو پېښو کې ککړ ترهګر نيول شوي، له بلوچستانه به ترهګر له منځه يوړل شي.
