پاکستان کې د روان وضعیت په اړه د افغانستان حکومت د بهرنیو چارو وزارت څرګندونې یې په ځپلو کورنیو چارو کې لاسوهنه بللې ده.
د یکشنبې په ورځ د افغانستان د بهرنیو چارو وزارت دپاکستان وروستیو کړکیچونو ته کتو ویلی وو چې په “ګاونډي هېواد پاکستان کې د حکومت او سیاسي مخالفينو د پلويانو ترمنځ ترينگلتيا د اندېښنې وړ کچې ته رسېدلې چې دوام يې پر ټوله سيمه منفي اغېز لرلای شي.”
په هغه خبر پاڼه کې چې دافغانستان دبهرنیو چارو وزارت له خوا خپره شوې وه راغالي وو چې د ولس د مشروع غوښتنو پر وړاندې تر ټولو ښه لار مذاکره او تفاهم دی. وروستیو پېښو ثابته کړې چې له مذاکراتو انکار مسالې لا پېچلې کوي.
دیادې خبرتیا په یوه برخه کې راغلي وو چې “موږ د پاکستان وضعیت له نږدې څارو هيله من يو چې د پاکستان حکومت او اغېزلرونکې ادارې له زياتېدونکې نارضايتۍ سره معقول او واقعبین چلن وکړي.”
خو د پاکستان د بهرنیو چارو وزارت یادې خبرتیا ته منفي غبرګون ښودلی دی ږدپاکستان دبهرنیو چارو وزارت ویلی دي چې “پاکستان د افغانستان د بهرنیو چارو د وزارت د ویاند پرونۍ څرګندونې په کلکه ردوي. دا بیان د پاکستان په کورنیو چارو کې د نه منلو وړ او د شرم وړ لاسوهنه بولي. د افغانستان حکومت باید یوه ډیموکراتیک هېواد ته د خبرو پر ځای د خپلو کورنیو ستونزو پر هواري تمرکز وکړي.
پاکستان دافغانستان دبهرنیو چارو وزارت خبرتیا لاسوهنه بولي حال داچې په هغه هیواد کې زیاتیدونکی کړکیچ او دبشر دحقوقو پرله پسې تر پښو لاندې کیدل،دافغانستان او سیمې پر وضعیت باندی په نیغه اغیزې پریږدي ځکه چې دمظاهرو او لاربندۍ په پایله کې سیمه ییزه سوداګري او ترانزیت هم متاثره کیدای شي.
