د درېيو یوه ورځنیو لوبو لړۍ پرون په شارجه کې پیل شوه چې افغان لوبډله پکې خپله تاریخي بریا ثبت کړه
د دې لوبې پچه سویلي افریقا ګټلې او لومړی یې پخپله د توپ وهنې پرېکړه کړې وه.
سویلي افریقا د ۳۴ اوور تر ۳ توپه د ټولو لوبغاړو په سوځېدو سره ۱۰۶ منډې وکړې او افغانستان ته یې د ۱۰۷ منډو هدف وټاکه.
د افغانستان له لوري توپ اچونه کې فضل الحق فاروقي ۴، الله محمد غضنفر ۳ او راشد خان دوه لوبغاړي وسوځول.
د سویلي افریقا لپاره تر ټولو ډېرې(۵۲) منډې ویان مولېر وکړې.
که څه هم چې دافغانستان ملي لوبډله په سر کې د توپوهنې ښه ننداره وړاندې نه کړه او څلور وتلی لوبغاړي يې د کپتان شهیدي په ګډون په څلویښتو منډوکې اوټ شول خو
عظمتالله عمرزي او ګلبدین نایب د لوبې تر ګټلو ملګرتیا وغځوله. دوی دواړو نسبتآ چټکه لوبه وکړه او د سویلي افریقا لخوا ورکړل شوي هدف ته یې په ۲۶م اوور کې ځان ورساوه.
دالومخړی ځل دی چې افغانستان د یو ورځنیو نړیوالو لوبو په لړ کې سویلي افرقې ته په عټ توپیر ماتی ورکويږ
د دې سیالۍ د غوره لوبغاړي جایزه فضلالحق فاروقي ته ورکړل شوه چې ۴ لوبغاړي یې سوځولي وو.
