د اوونیو سیاسي کړکیچ وروسته ، د فرانسې ولسمشر ایمانویل میکرون میشل بارنی د لومړي وزیر په توګه وټاکه بارنی به د خپلې کابینې نوملړترتیب کړي.
۷۳ کلن ښاغلي بارنی تر دې مخکې د ژاک شیراک او نیکولاس سرکوزي د ولسمشرۍ پر مهال د فرانسې په حکومتونو کې د وزیر په توګه دنده ترسره کړې وه.
هغه د اروپایی اتحادیې د کمیشنرانو څخه هم و او د بریکسټ ریفرنډم وروسته له اروپایی اتحادیې څخه د انګلستان د وتلو په اړه یو له اصلي مذاکره کونکو څخه و.
ښاغلی بارنیر د فرانسې د بهرنیو چارو په وزارت کې د خپل وخت پر مهال له ایران سره په اتومي خبرو اترو کې هم لاس درلود.
میشل بارنی د فرانسې په پارلمان کې د حکومت جوړولو لپاره ستونزمنه لاره لري. له لومړنیو ټاکنو سره چې شاوخوا دوه میاشتې مخکې د ایمانویل مکرون د پرېکړې له مخې ترسره شول، اوس په پارلمان کې درې لوی سیاسي بلاکونه شتون لري، چې هیڅ یو یې هم اکثریت نه لري او له یو بل سره یې اختلافات ژور دي.
