ایران دلومړي ځل لپاره تایید کړې چې د امریکا په بریدونو کې اټومي تاسیسات یې سخت زیانمن شوي دي.
د امریکا رسنیو سره په یوه مرکه کې، د ایران د بهرنیو چارو وزیر عباس عراقچي تایید کړه چې د امریکا بمبارۍ د فردو اټومي تاسیساتو ته سخت او جدي زیان رسولی دی.
د ایران د بهرنیو چارو وزیر وویل چې د ایران د اټومي انرژۍ سازمان د زیان ارزونه او اټکل کوي، چې وروسته به حکومت ته د زیان راپور وسپارل شي.
امریکا د جون په ۲۲مه په فردو، نطنز او اصفهان کې د ایران پر اټومي تاسیساتو برید وکړ، او د امریکا ولسمشر ټرمپ ادعا وکړه چې د ایران پر دریو اټومي ځایونو بریالي برید شوی او د فردو اټومي تاسیسات په بشپړه توګه ویجاړ شوي دي.
له بلې خوا، د امریکا رسنیو ادعا وکړه چې د امریکا استخباراتو موندلې چې د ایران پر دریو اټومي تاسیساتو د امریکا بریدونو اساسي مواد نه دي ویجاړ کړي.
یاده دی وي چې تردې وړاندې دایران چارواکو ټینګار کاوه چې دامریکې بریدونه اغیزمن نه ول او لږه خساره یې رامنځته کړې ده
