اوکرایین چارواکي ادعا کوي، چې د روسیې په بېلابېلو هوايي اډو کې یې تر ۴۰ ډېرې جنګي الوتکې په نښه کړې دي. دا په ظاهره د روسیې پر هوايي چلن تر ټولو زړور ډرون بریدونه ښکاري.
د اوکرایین امنیتي خدماتو ادارې (اېس بي یو) له لوري په دې هکله یوه اعلامیه کې ویل شوي: ”د دښمن ستراتیژیکې بمبار کوونکې (الوتکې) په روسیه کې د اور په لمبو کې سوځي.”
د اوکرایین امنیتي خدماتو اداره وايي، ”په پراخه کچه یې ځانګړي عملیات” پیل کړي، چې ”هدف یې د دښمن جنګي الوتکو ویجاړول” دي.
له اوکرایین زرګونه کیلومتره لېرې د سایبریا ایرکوڅک پر بیلایا هوايي اډې ظاهراً د ډرون بریدونو ډرامايي تصویرونه خپاره شوي دي.
د اوکرایین د امنیتي خدماتو سرچینو په وینا، د “غڼې تار” په نامه د دې عملیاتو تنظیم یو نیم کال وخت ونیو او شخصاً د اوکرایین ولسمشر ولادیمیر زېلینسکي لخوا څارل کیدل.کس سرچینه،REUTERS
سرچینې وايي چې لومړی ډرونونه په پټه توګه د روسیې خاورې ته لیږدول شوي او بیا ګرځنده لرګین کابنونه، ډرونونه، چې په لاریو کې ایښودل شوي وو، د دې کابینونو لاندې پټ شوي وو.
د برید په وخت کې، چتونه له لېرې څخه پرانیستل شوي او ډرونونو الوتنه وکړه، چې نږدې هوایی اډې یې په نښه کړې.
په یوه ویډیو کې لیدل کېږي چې یو بمبار ډرون د ځغاستلیکې په اوږدو کې الوتکو ته نږدې کېږي.
رپوټونو کې ویل شوي، چې د روسیې په شمال- لوېدیځ لېرې پرتې سیمې مورمانڅګ ښارګوټي پر اولینیا هوايي اډې هم برید شوی دی.
یوې سرچینې ویلي، د ستراتیژیک اتومي وسلو لېږدولو وړتیا لرونکو ټي-یو-۹۵ او ټي یو-۲۲ایم ۳ او دغه راز اې-۵۰ ډوله الوتکې هم په نښه شوې دي.
د روسیې رسنیو په مورمانڅک کې د برید رپوټونه ورکړي، خو په وینا یې دافع هوا نظام فعال دی.
د ایرکوڅک سیمې برید رپوټونه هم ورکړل شوي دي.
په ورته مهال اوکراییني چارواکو ویلي، پر دې هېواد د تېرې شپې برید کې ۴۷۲ ډرون، بالسټیک او کروز توغندي شامل وو.
دا تر اوسه د روسیې ډرون بریدونو تر ټولو ستر هغه بلل کېږي.
اوکراییني چارواکي وايي، په هوا کې یې ۳۸۵ هدفونه په نښه کړي او ”ویجاړ” کړي دي.
په ورته مهال په یوه جلا پېښه کې اوکراییني چارواکي وايي، د اوکرایین پوځ پر یوه روزنیز مرکز د روسیې توغندیز برید له کبله ۱۲ پوځیان وژل شوي او ۶۰ نور ټپیان شوي دي.
جواب دهید