نن، الکساندر توربانوف، هغه اسرائيلي بندی چې ازاد شو، یوه اعلامیه خپره کړه چې د اسرائيلو نیواکګر حکومت، د هغوی ملاتړي هېوادونه، او ټول جاسوسان او خاینان یې حیران کړل.
مونږ دالکساندر دغه خبرتیا چې دالجزیرې په عربي سایت کې خپره شوې ده رانقلوو:
(ستاسو مهرباني به تل زما په زړونو کې نقش وي…
په هغه ۴۹۸ ورځو کې چې ما له تاسو سره ژوند کاوه، سره له دې چې تاسو ظلمونه او جنايتونه تېر کړل، ما د ريښتوني مېړانه، پاکو اتلوليو، او د انسانيت او ارزښتونو درناوي مانا زده کړه.
تاسو آزاد خلک واست چې محاصره شوي واست، خو زه اسیر وم، او تاسو زما د ژوند ساتونکي واست.
ته زما خیال ساته، لکه څنګه چې یو مهربانه پلار د خپلو اولادونو ساتنه کوي.
ته زما صحت، عزت او نعمتونه وساتل. که څه هم زه د هغو کسانو په لاس کې وم چې د خپلې غصب شوې خاورې او حقوقو لپاره یې جګړه کوله، او که څه هم زما حکومت د یوه محاصره شوي ولس پر ضد تر ټولو ستر نسلوژنه کوله، خو تاسو هېڅکله اجازه ورنکړه چې وږی پاتې شم یا توهین شم.
ما د مېړانې اصلي مانا نه وه پېژندلې، تر هغه چې دا مې ستاسو په سترګو کې ونه لیده. د قربانۍ ارزښت مې نه و درک کړی، تر هغه چې ستاسو تر منځ ژوندی نه وم، تر هغو چې ونه مې لیدل چې تاسو د مرګ پر وړاندې موسکۍ یاست، او د یو داسې دښمن پر وړاندې مقاومت کوئ چې د تباهۍ وسلې لري، خو تاسو یوازې خپل لوڅ بدنونه لرئ.
هر څومره فصاحت او بلاغت چې ولرم، داسې الفاظ نه شم پیدا کولی چې ستاسو اصلي ارزښتونه راونغاړي، یا زما د حیرانتیا او ستایلو احساسات بیان کړي ستاسو د لوړاخلاقو په وړاندې.
ایا واقعاً ستاسو دین تاسو ته دا در زده کړې چې له بندیانو سره داسې چلند وکړئ؟
څومره ستر دی دا ایمان چې تاسو داسې مقام ته رسوي چې د بشر له خوا جوړ شوي ټول بشري حقوق او جنګي پروتوکولونه ورسره نړېږي!
حتی په تر ټولو سختو شېبو کې، تاسو عدالت او رحمت ښیئ – نه د تشو شعارونو له لارې، بلکې د خپلو عملي تجربو له لارې. حتی په تر ټولو تیاره شرایطو کې هم له خپلو اصولو نه تېرېږئ.
یقین وکړئ، که بېرته دلته راشم، نو یوازې به یو جنګیالی یم ستاسو په لیکو کې؛ ځکه چې ما له ستاسو حقایق زده کړل، او پوه شوم چې تاسو نه یواځې د دې خاورې مالکان یئ، بلکې د حق، اصولو او عادلانه آرمانونو خاوندان هم یئ).
