د ټرمپ د تعرفو وروسته د نړیوالو ونډو بازارونه تاریخي کمښت ویني، حتی د ولسمشر ملاتړي په غوسه دي
د نړیوالو ونډو بازارونو کې د تاریخي کمښت وروسته، د امریکا د ولسمشر ډونالډ ټرمپ ملاتړو هم د هغه د پالیسیو په اړه پوښتنې پیل کړې.
د نړیوالو ونډو بازارونو کې د تاریخي کمښت وروسته، د امریکا د ادارې هڅې چې خپلو ملاتړو ته قناعت ورکړي، ناکامې شوې.
له بلې خوا، میلیاردر امریکایي پانګوال د ټرمپ د تعرفو په اړه غوسه دي او د اقتصادي رکود ویره یې هم څرګنده کړې ده.
پانګوالو د یوې لویې تېروتنې د ترسره کېدو دمخه د اصلاح پر اړتیا ټینګار کړی او ویلي یې دي چې نړیوال اقتصاد د غلطو محاسبو له امله مخ په ځوړ روان دی.
د جي پي مورګان مشر ډیمون وویل چې تعرفې کولی شي د مصرف کونکو او پانګوالو حذبات کم کړي، چې د اقتصادي ودې مخه نیسي.
یاده دی وي چې چې په دې وروستیو ورځو کې، د امریکا ولسمشر امریکا ته په وارداتو لږ تر لږه ۱۰٪ تعرفه ولګوله، او د دې ۱۰٪ تعرفې سربیره په ځینو هیوادونو اضافي تعرفې ولګول شوې.
دامرکې ولسمشر دونالد ترمپ په خپل زاړه سیال چین باندې ۳۴٪ تعرفه وضع کړه، پداسې حال کې چې زاړه متحدین کاناډا، بریتانیا، آسټرالیا او نور اروپایي هیوادونه هم د ټرمپ د پریکړې څخه اغیزمن شول، مګر، په روسیه باندې اضافي تعرفې نه دي وضع شوې.
