د مسلمانانو جايدادونو اړوند ناندریزه قانوني طرحه،دهندپارلمان له خواتائید شوه.
د هند مشرانو جرګې د وقف (تعدیل) ۲۰۲۴ په نامه مسوده د جمعې پر ورځ تائید کړه. له دې یوه ورځ مخکې د هند په ولسي جرګه کې د اپوزېسیون له سختو نیوکو سره سره دا مسوده تائید شوې وه.
دهند مسلمانان او دنریندرا مودی حکومت اپوزېسیون دغه طرحه د هندوستان دمیلمانانو پر حقونو بادی ښکارهنېری بولی خو د حکومت وېنا داده چې دی طرحې سره سفافیت رامنځته کیږي.
دا مسوده به اوس دتوشیح لپاره د هند ولسمشرې ته استول کېږي او د هغې له توافق وروسته به په قانون بدله شي.
د هندي مسلمانانو د دود له مخې وقف جایداد د هغو مسلمانانو د بسپنې پر مټ رانیول کېږي، چې د ټولنې د خیرښېګنې لپاره خیرات کوي یا خپل جایداد ځانګړی کوي او بیا همدا جایدادونه د خیریه او دیني چارو لپاره ځانګړي کېږي.
دغه ډول جایدادونه نه خو د بل هدف لپاره کارول کېدای شي او نه یې هم پېر او پلور کېږي.
یو دا دی، چې وقف جایداد به څه ډول جایداد ته ویل کېږي؟
په دودیز ډول داسې ګڼ شمېر ودانۍ چې په شفاهي ډول یا د ټولنې دود-دستور له مخې خیرات شوې، په قانوني ډول هم وقف جایدادونه بلل کېدل او دا ځکه چې مسلمانانو له ډېر وخت راهیسې دغه ودانۍ هماغسې کارولې، چې نور وقف جایدادونه کاروي.
د نوې طرحې له مخې باید د وقف جایدادونو اړوند بورډ یا پلاوی داسې کره ثبوتونه وړاندې کړي، چې له مخې یې په قانوني توګه دا جایداد وقف وبلل شي.
دویم بدلون د وقف جایدادونو په اداري پلاویو یا قانوني ماهرینو ډلو کې د غیر مسلمانانو د ګډون په تړاو د نوې طرح وړاندیز دی. په طرح کې د دې جایدادونو پر سر قانوني شخړو کې د محاکمو مداخلې ته د اجازې ورکول هم شامل دي.ددی طرحې سره سم دتنازع په صورت کې د هندوستان محاکم دیادو جایدادونو په اړه پریکړې کولی شي.په دی توګه باید ټول وقف جایدادونه په رسمي توګه ثبت او راحستر شي.
دیادې طرحې پر وړاندې د هندوستان په ګڼو ښارونو کې له یوې اونۍ رایسي لاریونونه هم دوام لري.
