د کرنې، اوبو لګولو او مالدارۍ وزارت وایي، چې د دې وزارت د مالي او اداري مرستیال ملا اغا جان اخند په مشرۍ او د اقتصاد، مالیې، صنعت او سوداګرۍ وزارتونو د مسوولینو په ګډون د اضافي غنمو د پېرلو مرکزي کمېټې په ناسته کې د هېواد له بزګرانو د اضافي غنمو پر پېرلو ټینګار شوی. د یاد وزارت په وینا، تراوسه له بزګرانو ۳۶ زره او ۳۰۰ مټریک ټنه پېرل شوي اضافي غنم د هېواد د ۱۱ ولایتونو سېلوګانو ته لېږدول شوي دي.
