اوکراین هم له روسیې سره د ۳۰ ورځو لپاره ، محدود اوربند ته موافقه وکړه
دریپوټونو ترمخه د يوکرين صدر زيلنسکي هم روس سره د ۳۰ ورځو دپاره په محدود اوربند اتفاق کړی په داسې حال کې چې د امريکې صدر ټرمپ د يوکرائن د معدني ذخيرو نه وروستو د انرجۍ د تاسيساتو د خپلولو خواهش څرگند کړی دی .
په راپور کې ویل شوي چې د امریکا ولسمشر ډونالډ ټرمپ له خپل اوکرایني سیال سره یو ساعت ټیلیفوني خبرې وکړې چې په ترڅ کې یې ولسمشر زیلینسکي د امریکا له همکارۍ حخه مننه وکړه او موافقه یې وکړه چې د روسیې د انرژۍ پر بنسټونو به حملې نه کوي.د اوکراین ولسمشر زیلینسکي ویلي، کییف چمتو دی چې د روسیې د انرژۍ پر شبکې او بنسټیزو تاسیساتو بریدونه ودروي.
زیلینسکي زیاته کړه چې د اټومي بټۍ په اړه یې له ټرمپ سره پر وړاندیز خبرې کړې دي.
هغه زیاته کړه چې هغه د ټرمپ لخوا هیڅ فشار نه احساسوي چې د روسیې په ګټه کوم امتیازات ورکړي.
ټرمپ د اوکراین د معدنی زیرمو وروسته، د انرژۍ تاسیساتو مالکیت هم غواړي
ولسمشر ټرمپ له خپل اوکرایني سیال سره په ټیلیفوني خبرو کې ویلي ډي چې د اوکراین د انرژۍ د زیربنا د خوندي کولو لاره دا ده چې د اټومي او برښنايي بټۍ په ګډون د انرژۍ تاسیسات د امریکا ملکیت ته انتقال کړي.
خو د اوکراین کارپوهان په دې باور دي چې د امریکا وړاندیز د اعتبار وړ نه دی ځکه چې په اوکراین کې د اروپا د انرژۍ ترټولو لوی فابریکه Zaporizhzhia د روسیې تر کنټرول لاندې ده.
د ولسمشر ټرمپ دغه وړاندیز د زیلنسکی په اعلان کې هم شامل نه و.
تر اوسه څرګنده نه ده چې موقت اوربند به له کومې نېټې پیل شي، خو په راتلونکو څو ورځو کې به په دې اړه په سعودي عربستان کې تخنیکي ټیمونه غونډه وکړي چې په هغه کې به په تور سمندرګي کې د موقتي اوربند او همدارنګه د انرژۍ د تاسیساتو په اړه خبرې وشي.
