د روسیې ولسمشر ولادیمیر پوتین ویاند دیمیتري پېسکوف ویلي، چې امریکا او ایران باید خپلمنځي ستونزې او مسایل د “خبرو اترو” له لارې حل کړي او دا چې روسیه چمتو ده په دغو مذاکراتو کې تر خپله وسه مرسته وکړي.
پېسکوف بلومبرګ ته ویلي روسیه پر دې باور ده چې “متحده ایالتونه او ایران باید ټولې ستونزې د مذاکراتو له لارې حل کړي”.
دغه راز روسیې ژمنه کړې چې د امریکا له حکومت سره د ایران د اټومي پروګرام او د تهران لخوا منځني ختیځ کې د امریکا ضد ډلو د ملاتړ په تړاو خبرو کې مرسته وکړي.
که څه هم چې دامریکې ولسمشر دنالد ترمپ بیګاه دهغه هیواد کانګریس ته په وېنا کې خوښی څرګنده کړه چې روسیه دایران او امریکې تر منځ په خبرو کې منځګړیتوب کوي خو تر دی دمه دایران دمشرانو څرګندونې بل ډول دي.
ایران مذهبي مشر ایت الله علي خامنه ای د پوځیانو یوې غونډې ته وویل، د اټومي پروګرام د مذاکراتو او هوکړې مخکینۍ تجربې ته په کتو، له امریکا سره خبرې اترې ‘عاقلانه او شریفانه نه دي.
تردی وروسته دایران ولسمشر ښاغلي پزشکیان وویل چې زه پر دې باور وم چې که خبرې اترې وکړو ښه ده، خو مشرتابه وفرمایل چې موږ له امریکا سره خبرې نه کوو؛ نو موږ به هم د انقلاب د معظم مشر له وېنا سره سم پر مخ ولاړ شو.
خواصلي پوښټنه دا ده چې آیا دونلد ترمپ په رښتیا غواړی د ایران له اسلامي جمهوریت سره دخبرو اترومیز ته دیوې معقولې موافقې په لټه کښیني؟
دا ډیره پیبچلې پوښْتنه ده ځکه چې دونالد دولسمشریزو ټاکنو په کمپاینونوکې پر جوباېدن پرلهپسې تورونه لګول چې غواړي ایران سره معمله وکړی او داکار یې دامریکې په ګټه نه باله.
دغه راز دونالد ترمپ دخپلې ولسمشرۍ په اوله دوره کې هم له ایران سره اړیکې لا ترینګلې کړې.
ډونالډ ټرمپ، چې دتېرې دورې د ټاکنیز کمپاین پر مهال هم په وار وار له برجام څخه د وتلو ژمنه کړې وه، بالاخره د ۲۰۱۸ کال د می په ۸مه په یو اړخیزه توګه له دې تړون څخه ووت، په دې توګه، ټول هغه بندیزونه یې بیا ولګول چې له برجام څخه مخکې پر ایران لګېدلي ول.
کله چې دونالد ترمپ دلومړي ځل لپاره دامریکې ولسمشر شو،دځانګړي فرمان له مخې ایرانیانو ته دامریکې ویزې بندې کړې.
ددوهمې ولسمشرۍ په پېل کې هم دونالد ترمپ د فبرورۍ پر ۴مه د اسرائیل له لومړي وزیر بنیامین نتنیاهو سره تر کتنې مخکې پرایران د حد اکثراقتصادي فشار د راوړلو اړوند سند لاسلیک کړ.د ایران ولسمشر مسعود پزشکیان تایید کړ چې د ډونلډ ټرمپ له راتګ او د یوه قانون له لاسلیکولو سره زموږ پر ګڼو کښتیو بندیز ولګېد.”
د دونالد ترمپ یادو کارنامواونیتونوته په کتو،مشکله ده چې دایران اسلامي جمهوریت په اړه دښو اړیکواوتعامل اټکل وشي خو داسی ښکاري چې دونالد ترمپ تر سختو سیاسی فشارونو لادې راغلی او غواړي دامریکې او دنړۍ پاملرنه یوې بلې خواته ور واړوي.
دونالدپه دی ورځو کې دامریکې په کورنېو او بهرنېو سیاستونوکې د پراخې لاسوهنې او بدلون له امله دامریکې او نړۍ له سختو غبرګونونوسره مخ شوی دی.په سپینه ماڼۍ کې د اوکراین له ولسمشر زیلنسکي سره تر ناوړې رویې را وروسته،اروپایي هېوادونه پرخپل خپلواک دفاعي سیستم باندې غور کوي او دننه امریکې کې دخلکو مظاهرې او لاریونونه ورځ تربلې لاپراخیږي.
دترمپ نوي فرمانونه دامریکایي محکمو او فدرال ریاستونو له خوا چلنج شوي دي او داسی ښکاري چې تر ډېره بریده یادفرمانونه په عمل کې پلي نه شي.
له بله پلوه دغزې له نیولو بیا پر ایران باندې دلازیاتو فشارونوتر راوستو پورې، ددونالد ترمپ سیاستونه دامریکې دخلکو له خوا نه دي منل شوي.په څلویښتوورځو کې د دونالد ترمپ سیاسي محبوبیت ډېر راکم شوی او حتې د جمهوري غوښتونکوپلویان هم له ده څخه ناراضه شوي دي.
داسی بریښي چې ترمپ غواړي یوې بلې مسلې ته دخلکو پاملرنه را وګرځوي اودلنډې مودې لپاره داسې یو اقدام وکړي چې دامریکې خلک ورته لږخوشبینه شي.
بل احتمال دا دی چې دونالد ترمپ په رښتیا سره د فشارونو له امله خپل سیاست بدل کړی وي او له اسلامي جمهوریت سره دروسیې په منځکړیتوب،خبرو اترو ته کښیني تر څو برجام بیرته برحاله او بندیزونه لری شي،دابه دجمهوري غوښټونکواوپه تېره بېا دونالد ترمپ په پالېسېو کې یو لوی بدلون وي خو داسی یو سیاست دامریکې له هغو سیاستونو سره اړخ نه لګوي چې دمنځني ختیځ او غزې په اړه ترلاس لاندې لري.
دوام لري
