چمپینز ټرافي: انګلستان د اسټرالیا پر وړاندې توپ وهنه ته دوام ورکوي، دوه لوبغاړي یې له لوبې بهر دي
د انګلستان او اسټرالیا ترمنځ لوبه د لاهور په قذافي لوبغالي کې روانه ده. د انځور لیکونکي
انګلستان د چمپینز ټرافي په څلورمه لوبه کې د اسټرالیا پر وړاندې توپ وهنه کوي، او بلو شرټونو د دوو ویکټو په زیان سره ۴۳ منډې جوړې کړې دي.
په دې لوبه کې چې د لاهور په قذافي لوبغالي کې روانه ده، د اسټرالیا کپتان سټیو سمیت ټاس وګاټه او انګلستان ته یې د توپ وهنې بلنه ورکړه.
د انګلستان لپاره بین ډکیټ او فیل سالټ د لوبې پیل وکړ، خو په دوهم اوور کې د الیکس کیري په زړه پورې کیچ فیل سالټ پویلین ته واستاوه. جیمي سمیت هم په شپږم اوور کې د ۱۵ منډو جوړولو وروسته کیچ آوټ شو.
د اسټرالیا کپتان سټیو سمیت وویل چې دلته د شپې زموږ د تمرین پر مهال باران و، نو موږ پریکړه وکړه چې لومړی بالنګ وکړو.
د انګلستان کپتان جوس بټلر وویل چې که موږ ټاس ګټلی وای، نو موږ به غوره ګڼلی وای چې توپ وهنه وکړو. لوبغاړي ډاډه دي، موږ د دې لوبې لپاره لیواله یو.
د آی سي سي چمپینز ټرافي په لومړۍ لوبه کې، نیوزیلینډ کوربه پاکستان ته په ۶۰ منډو ماتې ورکړه، په داسې حال کې چې په دویمه لوبه کې، هند بنګله دیش ته په ۶ ویکټو ماتې ورکړه.
پرون په کراچۍ کې ترسره شوې لوبه کې جنوبي افریقا افغانستان ته په ۱۰۷ منډو ماتې ورکړه.
