د اوربند دهوکړې سره سم نن ۳ نور اسرایلي برمته شوي،او ۳۶۹ فلسطینیان نن ازاد شول
حماس په خان یونس کې اسرائیلي یرغمل شوي، دسره صلیب نړیوالې کمیټې ته وسپارل.
د فلسطیني مقاومت غورځنګ حماس په غزه کې د اوربند د موافقې له مخې درې نور اسرائیلي یرغمل شوي خوشې کړل.
دریپوټونو پر بنا مخې حماس په خان يونس کښې د يو لړ رسمي مراسمو په ترڅ کښې اسرائيلي يرغمل شوي اسرائيلي سره صلیب ته وسپارل او د سره صلیب چارواکو د یرغمل شویو د خلاصون سندونه لاسلیک کړل.
حماس پرون د حمعې پر ورځ د بندیانو د خوشې کولو د هوکړې د عملي کولو اعلان وکړ، په دیتوګه د اوربند تړون پاتې دی.
داوربند تړون هغه مهال ټکنی شو چې حماس د اسراييلو له خوا د اوربند د پرله پسې سرغړونې له امله ګواښ کړی وو چې د بندیانو دتبادلې بهیر به ودروي، خو مصر او ترکيې دواړه لوري دې ته وهڅول چې دغه تړون عملي کړي، چې له دې وروسته به نور يرغمل خوشې شي.
حماس ادعا لرله چې اسراییل غزې ته دامدادي کاروانونو د رسیدو مخه نیسي.
بلې خواته امریکا او اسراییلو ګواښ کړي وو چې که دبندیانوتبادله دشنبې پر ورڅ له مهاویش سره سم تر سره نه شي نو اوربند به مات کړې خو د جمعې په شپه اسراییلي ځواکونو اجازه ورکړه چې امدادي کاروانونه غزې ته ورسیږي.
هماغه وو چې حماس د بندیانو د تبادلې بهیر ونه دراوه
