امیر المومنین شیخ هیبت الله اخند زاده  دکندهار پوهنتون محصیلنو اواستازانو ته په یوه غوڼده کې دوېنا پر مهال ویلي دي چې :(د خپل علم او پوهي پر مټ افغانستان په نړۍ کې سیال کړئ او دومره زحمت وګالئ، چې بهرنيان دلته راشي، تاسو څخه زدکړه وکړي )

دافغانستان دلوړو زدکړږو وزارت ویاند حافظ ضیا‌ءالله هاشمي پر اېکس پاڼې ویلي دي چې داسلامي امارت مشر په خپله وېنا کې د علم پر ارزښت او “د دیني او عصري زدکړو” د اهمیت په اړه خبرې او استادانو او محصلانو ته لارښوونه کړې، چې “دواړه علوم په اخلاص سره” زده کړي.

شیخ صاحب په دی وېنا کې ویأي دي “له تاسو څخه مو غوښتنه ده، چې د خپل هېواد د شهیدانو، مبارزینو او قهرمانانو تاریخونه ولیکئ او په نړیواله کچه یې معرفي کړئ؛ ځکه مجاهدینو په سختو حالاتو کې د الله تعالی په نصرت سره دا هېواد ازاد کړ او اوس ستاسو وار دی، چې د خپل علم او پوهي پر مټ افغانستان په نړۍ کې سیال کړئ او دومره زحمت وګالئ، چې بهرنيان دلته راشي، تاسو څخه زدکړه وکړي او د خپل علم په مرسته پر نړۍ حکمراني وکړئ.”

امیرالمومنین زیاته کړې  “چې افغانستان د ټولو ګډ کور دی او هر یو له تاسو څخه په دې نظام کې ځانګړی ځای لري…‌ افغانستان اسلامي امارت تاسو ته د خیر اراده لري؛ مدرسه او پوهنتون سره نور یو دي او د دواړو علمي ادارو ساتنه او حمايه پر موږ لازمه ده”.