دامریکې ولسمشر دونالر ترمپ وایي پر ایران د بمبارۍ پر ځای به اټومي تړون غوره وګڼم
د امریکا ولسمشر ډونالډ ټرمپ وايي، هغه به د ایران سره د بم غورځولو پر ځای د اټومي تړون کولو ته ترجیح ورکړي. ډونالډ ټرمپ له یوې امریکایي ورځپاڼې سره په مرکه کې وویل چې که موږ موافقه وکړو، اسراییل به پر ایران بمباري ونه کړي.
هغه نشي ویلای چې موږ ایران ته څه وایو، خو هیله ده چې ایران به هغه څه ونه کړي چې د کولو فکر یې کوي. یاده دی وي چې له دې مخکې د امریکا ولسمشر ډونالډ ټرمپ پر ایران د بندیزونو د اعلان پر مهال ویلي وو چې له تهران سره به اټومي تړون وکړي. دا هم ولولئ
د ایران روحاني مشر ایت الله خامنه ای اعلان وکړ چې له امریکا سره به خبرې اترې ونه کړي، او ویې ویل چې له امریکا سره خبرې اترې به هوښیارانه او درناوي وړ نه وي. د ایران ستر مشر وویل چې د خبرو اترو د ردولو دلیل دا دی چې زموږ تجربه موږ ته وایی چې ایران په تیرو وختونو کې ډیری امتیازات ورکړي وو، مګر متحده ایالاتو دا تړونونه مات کړي دي. له داسې حکومت سره باید هیڅ ډول خبرې اترې ونشي.
