د امریکا د سنا او استازو جرګې د ډیموکراټانو او جمهوري غوښتونکو استازو یوې ډلې یو پریکړه لیک وړاندې کړ چې ټینګار کوي چې متحده ایالات، اسراییل او د دوی شریکان او متحدین باید د ایران د اټومي وسلو د ترلاسه کولو ګواښ سره د مقابلې لپاره ټول لاسوندونه وساتي.
ایران تل ادعا کړې چې د اټومي وسلو په لټه کې نه دی او یوازې سوله ایزې علمي څیړنې ترسره کوي.
په داسې حال کې چې د امریکا مرکزي استخباراتي ادارې، سي آی اې، تېر کال اعلان وکړ چې تهران لا تر اوسه د اټومي بم جوړولو لپاره قطعي پریکړه نه ده کړې، اسراییل باور لري چې دایران اسلامي جمهوریت د دې وسلو د ترلاسه کولو په لټه کې دی.
د تېر کال په سپتمبر کې، د ساینس او نړیوال امنیت انسټیټیوټ په یوه راپور کې اعلان وکړ چې د سنجران او ګلاب دره په دوو اټومي ځایونو کې د اسلامي جمهوریت فعالیتونه د پام وړ زیات شوي دي.
د هغو سپوږمکۍ انځورونو له مخې چې د لویدیځو استخباراتي سرچینو لخوا انسټیټیوټ ته ورکړل شوي، په تیرو ۱۸ میاشتو کې، هغه ایراني کارپوهان چې د د ۲۰۰۰ لسیزې په لومړیو کې یې د اټومي وسلو پورې اړوند پروژو کې کار کاوه یو ځل بیا په دې دوو پټو ځایونو کې کار کوي.
دایران اسلامی جمهوریت تر دی دمه په دی اړه کوم رسمي غبرګون نلری خو ددی هیواد مذهبی مشرڅو څو ځلې د امریکې او دونالر ترمپ ګواښونه بې اغیژې او تبلیغاتي جګړه بللې ده.
