د غزې اوربند تړون، اسراییلي ځواکونه له رفح څخه وتل پیل کړل
د عربي رسنیو په وینا، اسراییلي ځواکونو د غزې په جنوب کې د رفح ښار څخه وتل پیل کړي دي. سرتیري به د مصر پولې سره د فلاډلفیا دهلیز په اوږدو کې پاتې شي. بند پاتې فلسطیني ماشومان د لږو شیانو سره خپلو ویجاړو کورونو ته د راستنیدو انتظار باسي.
د اوربند له پیل څخه مخکې د اسراییلو په بریدونو کې د ۳۳ ماشومانو په ګډون ۱۲۲ نور فلسطینیان شهیدان شول.
اسراییلو د غزې ښارګوټي په ظالمانه بمباریو سره ویجاړ کړي دي، کورونه، ښوونځي، کالجونه او روغتونونه یې کنډوالې کړي دي.
نتنیاهو: د اوربند لومړۍ مرحله لنډمهاله ده، که دوهمه مرحله ناکامه شي، جګړه به بیا پیل شي د اسراییلو لومړي وزیر خبرداری ورکړی چې اوربند به تر هغه وخته پورې پیل نشي تر څو چې حماس د یرغمل شویو کسانو لیست ترلاسه نه کړي، او که دوهم پړاو ناکامه شي، جګړه به بیا پیل شي. له بلې خوا، د اسراییلو ښي اړخي وزیر بین ګورنر، چې د حماس سره د اوربند مخالفت یې کاوه، له خپلې دندې استعفا ورکړه.
یاده دی وی چې د فلسطین د روغتیا وزارت په وینا، د غزې په ۱۵ میاشتنۍ جګړه کې، د زرګونو ماشومانو او ښځو په ګډون ۴۷،۸۹۹ فلسطینیان شهیدان شوي، په داسې حال کې چې له ۱۱۰،۰۰۰ څخه ډیر فلسطینیان ټپیان شوي او زرګونه ورک دي. اسراییلو په جګړه کې د حماس دوه مشران ووژل: اسماعیل هنیه په تهران کې، حسن نصرالله په بیروت کې، او یحیی سنوار په غزه کې.
