ایران د سترې محکمې بهر وسله وال کس دوه قاضیان په ډزو ووژل.
د ډزو پېښه د تهران په ګڼه ګوڼه چوک سیمه کې سترې محکمې ته نږدې وشوه، چې یو قاضي هم پکې ټپي شو.
د ایران د سترې محکمې بهر د یوه وسله وال کس په ډزو کې دوه قاضیان ووژل شول. د ایران رسنیو په پلازمېنه تهران کې د سترې محکمې بهر د ډزو پېښه تایید کړې ده. ایراني رسنۍ وايي چې یوه سړي د سترې محکمې بهر ډزې وکړې او دوه قاضیان یې ووژل.
د ایراني رسنیو په وینا، په ډزو کې وژل شوي قاضیان علي رازني او محمد مغیسي شامل دي. دواړه قاضیان د ملي امنیت، جاسوسۍ او ترهګرۍ پورې اړوند قضیو قاضیان ول.
د ایراني رسنیو په وینا، د ډزو پیښه د تهران په ګڼه ګوڼه چوک سیمه کې سترې محکمې ته نږدې رامنځته شوې، چې پکې یو قاضي هم ټپي شوی، پداسې حال کې چې بریدګر ځان په ډزو وژلی دی. د ایران رسنۍ راپور ورکوي چې قاضي علي رازني هم په ۱۹۹۸ کال کې ووژل شو، چې په موټر کې یې بم ایښودل شوی و او هغه په برید کې ټپي شو.
