دهغو سروې ګانو له مخې چې تازه داروپایی خبریالانو او څیړونکو له خوا خپرې شوي دي، دغزی جګړې د اسراییلو پر اقتصاد باندې سختې منفي اغیزې کړي دي.
ددې سروې له مخې د اسرائیلو اقتصاد د ۲۰۲۳ کال تر اکتوبر پورې د پام وړ وده وکړه، خو د جګړې له پیل سره دا وده په چټکۍ سره راټېټه شوه.
اسراییل داسی یو هیواد دی چې تر ډیربرییده په صخعت باندی ولاړ دی او کرنیز حاصلات یې دومره دپام وړنه دی د اسراییلو په عمده اقتصادي سکتورونوکې پرمختللې ټیکنالوژي او صنعتي تولیدات شامل دي. د اسرایل د الماس صنعت په نړۍ کې د الماسو د پرې کولو او پالش کولو یو له مهمو مرکزونو څخه دی چې کې د ټولو صادراتو 21٪ برخه جوړوي. , د موټرو وسایط، خام الماس او د تولید اړوند توکي
د تولید او خدماتو په برخه کې، اسراییل د هیوادونو په منځ کې له ایرلنډ وروسته دویم ځای لري
د نړیوال بانک په وینا، د ۲۰۲۳ کال په لړ کې د اسرائیل ناخالص تولید یو پر لسمه سلنه کم شوی.
د اسرائیلو مرکزي بانک وړاندوینه کړې، چې په ۲۰۲۴ کال کې به د اسرائیلو اقتصاد یوازې نیم سلنه وده وکړي.
په داسې حال کې، چې د جولای په میاشت کې د دې کال لپاره د اقتصادي ودې وړاندوینه یو اعشاریه پنځه سلنه وه.
تېر کال ډېرو اسرائیلي شرکتونه د کارګرانو له کمښت سره مخامخ شول، چې دې د اقتصادي فعالیتونو ساحه محدوده کړه.
د افرادو د کمښت لامل دا دی، چې د اسرائیل پوځ له حماس سره د جګړې په پیل کې تر ۳۶۰ زرو زیات رېزرف یا احتیاطي ځواکونه ور وغوښتل.
که څه هم د هغوی له ډلې ډېر کسان له خدمته اېستل شوي، خو په لبنان کې یې د روانو ځمکنیو عملیاتو لپاره ۱۵۰۰۰ نور ریزرف ځواکونه وربللي دي.
حکومت د امنیتي ستونزو له امله له غزې او لویدیزې غاړې اسرائیلو ته کار لپاره د شاوخوا ۲۲۰،۰۰۰ فلسطینیانو ورتګ منع کړی.
دې مسلې رغنیز سکټور چې شاوخوا ۸۰،۰۰۰ فلسطینیانو پکې کار کاوه، پام وړ اغېزمن کړی دی.
د دوی پر ځای اوس د هند، شري لنکا او ازبکستان په څېر له نورو هېوادونو لسگونه زره کارکونکي ګومارل کېږي.
تر هغې وروسته چې د اسرائیلو اقتصادي وده د جګړې په جریان کې ورو شوه، داقثصاد پوهانو په نظر تر جګړې وروسته یې د “قوي بیارغونې احتمال” شته.
هغوی د اسرائیل د پرمختللې ټېکنالوژۍ د یوې برخې وده د دې لامل ګني چې اوس د دغه هېواد د اقتصاد پنځمه برخه جوړوي.
خودا حقیقت چې دا جګړه د تېرو جګړو په پرتله اوږده ده او د وګړو لویه برخه یې اغېزمنه کړې، کېدای شي اقتصادي رغونه کمزورې او اوږده کړي
