اسراییلو د بیروت په زړه برید وکړ
د اسراییلو اردو وویل چې د پنجشنبې په ورځ یې د لبنان په سویل کې د حزب الله 15 وسله وال وژلي او په بیروت کې یې بمباري وروسته له هغه وکړه کله چې د دوی ځواکونو د ایران له ملاتړه ډلې سره په جګړو کې د لبنان په محاذ کې ترټولو خونړۍ ورځ درلوده.
اسراییل، چې له شاوخوا یو کال راهیسې په غزه کې له حماس سره په جګړه بوخت دی، د دوه اونیو له سختو هوايي بریدونو وروسته د لبنان جنوبي سیمو ته خپل ځواکونه واستول، چې د امریکا او ایران ترمنځ د جګړې له خطر سره مخ دي.
د پنجشنبې په ورځ د اسرایلو پوځ وویل چې په غزه کې یې د حماس د حکومت مشر راوي مشتاح، د لوړ پوړو امنیتي چارواکو سمیع السراج او سمیع عوده په ګډون درې میاشتې مخکې په بریدونو کې له منځه وړي دي.
په لبنان کې، د لبنان د سویلي ښار بنت جبیل د ښاروالۍ په ودانۍ د هوایي برید په پایله کې د حزب الله ۱۵ غړي وژل شوي دي.
د لبنان د روغتیا وزارت وویل چې د بیروت په برید کې د مړو شمیر نهو ته رسیدلی او د اسلامي روغتیا اداره ، چې د حزب الله سره تړلې ملکي دفاع ډله ده وویل چې د دوه ډاکټرانو په ګډون د دوی اوه کارمندان وژل شوي دي.
بل لورته د اسرائیلو دفاعي ځواکونو (ای ډي اېف) ویلي، نن سهار له لبنان څخه دوه بې پیلوټه الوتکې په نښه شوي او شنډې شوي دي.
دوی وايي “موږ لږ موده وړاندې د اسرائیلو په شمال کې د خطر زنګونو په اړه خبر ورکړی و، اوس ۲۵ توغندي د لبنان له پولې تېر شوي او ځینې یې له منځه وړل شوي.”
اسرائیلي ځواکونو د اوښتو زیانونو په اړه څه نه دي ويلي.
