د ملګرو ملتونو، امریکا او اروپايي ټولنې له خوا د اوربند له غوښتنې سره سره، د چهارشنبې په ورځ هم د اسرائیلو او لبنان مېشتې حزب الله ترمنځ جګړې دوام درلود.
اسراییلو د بیروت په جنوبي سیمو کې چې د ایران له ملاتړه برخمنې ډلې مرکز دی خپل بمبار یو ځل بیا پیل کړ او لږ تر لږه یو درجن هوایي بریدونه یې د هغه څه پر وړاندې وکړل چې ویل یې د دغې ډلې اړوند هدفونه وو.
لوی لوګي د ښارګوټو له برخو څخه پورته کیدل لیدل شوي. اسراییلو د سیمې لپاره د وتلو نوي امرونه صادر کړل، چې تر څو ورځو سختو بریدونو وروسته په پراخه کچه خالي شوې ده.
حزب الله ویلي چې دوی د چهارشنبې په سهار د لبنان په ادیسه ښارګوټي کې د اسراییلي ځواکونو له نفوذ سره مخامخ شول او شاتګ ته یې اړ کړل
د اسراییلو پوځ د چهارشنبه په ورځ وویل چې منظم پیاده ځواکونه او زغره وال واحدونه د لبنان په سویل کې د ایران په ملاتړ د حزب الله پرضد ځمکنیو عملیاتو کې برخه اخلي ، په داسې حال کې چې اسراییل د ایران د توغندیو بریدونو ته د ځواب ویلو لپاره چمتووالی نیسي.
اسراییل، چې لا له وړاندې په غزه کې د حماس سره جګړه کوي، د لبنان په سویل کې د حزب الله سره په نښته کې د ایران له برید یوه ورځ وروسته خپل شتون ګړندی کوي، دا ویره راپورته کوي چې د تیلو تولیدونکی منځنی ختیځ به په پراخه جګړه کې ډوب شي.
د ګولاني لوا، ۱۸۸ زغروال لوا او شپږمې پلې لوا په ګډون د ۳۶مې فرقې څخه د پليو او زغره والو ځواکونو اضافه کول ښيي چې عملیات له محدودو کمانډو بریدونو څخه وتلي دي.
پوځ ویلي چې ځمکني عملیات په عمده توګه د تونلونو او نورو سرحدي زیربناوو له منځه وړل دي، او دا چې د بیروت یا د لبنان په سویل کې لوی ښارونه په نښه کولو لپاره د پراخو عملیاتو پلان نلري.
