سبا چهارشنبه د اسد ۳۱مه د شپیږیزی کرکټ لیګ په لړ کې دوه لوبې ترسره کیږي، چې د بست او مس عینک لوبډلې به د افغانستان په وخت د سهار ۹ بجې د کابل په نړیوال کرکټ لوبغالي کې او په دویمه لوبه کې به د ماسپښین په ۲:۰۰ بجې د امو او بند امیر لوبډلې د کابل په نړیوال کرکټ لوبغالي کې مخامخ شي. د بند امير لوبډله د اتو نمرو په لرلو سره د ليګ د جدول په سر کې ده، د مس عينک لوبډله هم د اتو نمرو په لرلو سره د جدول په دويم مقام کې ده او امو لوبډله د اتو نمرو په لرلو سره په درېيم مقام کې ده، خو د بست لوبډله څلورم مقام لري. د سپین غر لوبډله د شپږو نمرو په لرلو سره په وروستي ځای کې د شیپږیزې لیګ ډله ییز پړاو به د پنجشنبې په ورځ د دوه نورو لوبو په ترسره کولو سره پای ته ورسیږي او د دې لیګ وروستۍ لوبه به دشنبې په ورځ ترسره شي
