د افغانستان په ځینو ولایتونو کې له د روانې زمري میاشتې له ۲۰ نېټې څخه ماشومانو ته د ګوزڼ یا پولیو د مخنیوي لپاره واکسین پیلېږي.
له پولیو د خلاص افغانستان بنسټ پر خپله ایکسپاڼه دد دې کمپاین د اعلانولو ترڅنګ له ولسه غوښتي چې له ګوزڼ ناروغۍ څخه د افغانستان په پاکولو کې ونډه واخلي.
دې ادارې همداراز ویلي چې له پنځو کلونو کمعمره ماشومانو ته د پولیو ناروغۍ ضد د واکسین ورکولو دغه کمپاین به په څو ولایتونو کې اجرا شي.
د روغتیا د نړیوال سازمان تر چتر لاندې د پولیو د لهمنځه وړلو د نوښت په نوم بنسټ پهدې وروستیو کې ویلي چې په افغانستان کې د روان میلادي کال له پیله د پولیو نهه مثبتې پېښې ثبت شوې دي.
د ماشومانو ګوزڼ یا فلج یوه ویروسي او ساري ناروغي ده چې کولای شي ماشوم د تل لپاره فلج او ان د مړینې سبب یې کېږي.
افغانستان او پاکستان په نړۍ کې دوه هیوادونه دي چې لا هم د ماشومانو د پولیو یا ګوزڼ ویروس پکې محوه شوي نه دي. سږ ګال په پاکستان کې د پولیو ۱۳ مثبتې پېښې ثبت شوي دي.
په پاکستان کې هم اکثره پېښې په پښتني سیمو کې ثبت شوي دي.
