دبنګله دیش لومړۍ وزیرې شیخ حسیه واجد دهغې پر ضد تر پراخو لاریونونو وروسته له هیواده وتلې او پوځ وایی چې یو لنډمهاله حکومت به رامنځته شي.

نوموړې وروسته له هغې استفعا وکړه، چې پر ضد یې دغه هېواد کې په زرګونه کسان احتجاجونو ته راووتل.

رپوټونه وايي، شیخ حسینه واجد او خور یې د پوځ په یوه چورلکه کې له هېواده وتلې او ګومان کېږي، چې هند ته لېږدول شوې دي.

د  پوځ مشر په یوه ټلویزیوني ویېنا کې ویلي دي چې ، پوځ د موقت حکومت جوړولو په تړاو خبرې پیلوي.

له هېواده د شیخ حسینه واجد له وتلو څو ساعته وروسته ولسمشر محمد شهاب الدین د پخوانۍ لومړۍ وزیرې او اپوزېسیون مشرې خالده ضیا د خوشي کولو امر وکړ.

دبنګله دیش لوی درستیېژ  وقار الزمان هیله څرګنده کړه، چې له ولسمشر محمد شهاب الدین سره  وویني او دواړه په شریکه یوه حل لاره ومومي.