اروپا،کاناډا او استرالیا کې د افغانستان د سفارتونو اسناد نه منو(بهرنیو چارو وزارت)
دوی له مرکز سره هیڅ ډول اړیکې او مشورې نه لري
د بهرنیو چارو وزارت وایی چې نور په اروپايي هېوادونو، کاناډا او استرالیا کې د افغانستان د سفارتونو له خوا صادر شوي اسناد نه مني. د افغانستان د پخواني حکومت له خوا نومول شوي ډیپلوماتان اوس هم د دغو ادارو مسوولین دي چې له افغان حکومت سره مشورې نه کوۍ.
د وزارت په خبرپاڼه کې راغلي چې په اروپايي هېوادونو کې د افغانستان له سیاسي او قونسلګرۍ ماموریتونو څخه یې په وار وار غوښتي چې لږ تر لږه د قونسلګرۍ په چارو کې له مرکز سره د افغانانو د ستونزو د حل لپاره اړیکه ونیسي.
اعلاميه کې په “بريتانيا، بلجيم. ، جرمني، سویس، اتریش، فرانسه، یونان، ناروې، کاناډا او استرالیا کې مېشتو افغان کډوالو ته ويل شوي، چې له نن ورځې څخه به د دغو ادارو له خوا د “تعفيف، تأييد، د جزايي مسووليت نشتوالى، پاسپورټ او د پاسپورټ د تجديد سټيکر، ويزې او داسې نور” ونه منل شي:
دبهرنیو چارو وزارت په خبرتیا کې راغلي دي چې سپارښتنه کیږي چې مراجعین په نورو هیوادونو کې د افغانستان سفارتونو ته لاړ شي ترڅو ویزې یا د قونسلګرۍ اسناد ترلاسه کړي.
