نړیوال دی  افغانستان کې صادقانه چلند وکړي تر څو د دواړو تر منځ واټن کم شي.

داخبره دافغانستان دکورنیو چارو وزیر سراج الدین حقانی په کابل کې دکار نړیوال کنفرانس ته په وینا کې وکړه.

نوموړي کابل د کار دوه ورځني ملي کنفرانس ته په خپله وینا کې چې پرون پای ته ورسېد، ټینګار وکړ چې طالبان پر خپلو ژمنو درېدلي ځکه خو افغانستان هېچا ته ګواښ نه دی.‌

سراج الدین حقانی له بهرنیانو وغوښټل چې په  افغانستان کې پانګونه وکړي.

 د کورنیو چارو وزارت سرپرست سراج الدین حقاني په خپلو خبرو کې هغه  اندېښنې بې بنسټه وبللې چې دشانکهای تړون په وروستۍ غونډه کې له افغانستانه داحتمالئي ترهګریزو فعالیتونو په هکله ښودل شوې وې

نوموړي وویل له نړۍ څخه مو غوښتي چې افغانستان ته دې د پرون پر سترګو نه ګوري.

هغه زیاته کړه “که دوی [بهرنیان] خپل اخلاص وکړي، دغه فاصله به ان شاالله نوره هم له مینځه ولاړه شي. د دوی تشویش خو دا و چې افغانستان تهدید او مشکل دی، نن خو الحمدالله هغه تشویش هم نشته”.

ښاغلي حقاني وویل “د خوارجو او باغیانو ځالي له مینځه تللي دي… یرغلګر پر وړاندې افغانانو دفاع کړې، نن د نورو پر وړاندې ژمن یو او چا ته تهدید نه یو. زموږ خاوره چا ته تهدید نه دی او ډاډ درکوو”