دوشنبه د چنګاښ ۲۵ : د کورنیو چارو وزارت ویاند عبدالمتین قانع ویلي چې په کابل کې ۹۰ زره امنیتي کمرې نصب شوي او ډېر ژر به د افغانستان په نورو ښارونو کې هم د دغو کمرو د نصبولو لړۍ دوام وکړي.
تېره اوونۍ د پروان ولایت په مرکز چاریکار ښار کې هم د امنیتي کمرو د نصب لړۍ پیل شوه.
نوموړي زیاته کړه چې د دغو امنیتي کمرو نصب به د افغانستان له امنیتي ځواکونو سره ډېره مرسته وکړي.
ښاغلي قانع دا هم څرګنده کړه چې د امنیتي کمرو د څارنې په وسیله یو شمېر پلان شوي امنیتي ضد بریدونه هم شنډ شوي دي.
خو ده یې کره شمېر په اړه څه ونه ویل.
تر دې وړاندې ویل شوي وو چې اسلامي امارت د چین د مخابراتي وسایلو له جوړوونکي هوواوې سره د احتمالي همکارۍ په اړه خبرې کړې دي.
