ګیلامن وزیر زمونږ دملت یو لوی اتل و(منظور پښتون)
زما تر ټولو نږدې ملګری و. په دغه تحریک کې تر ده نږدې ملګری زما څوک نه و
په دې خاوره باندې موږ هر یو ملګري دا وعده کړې ده، چې سرونه مو قربان دي، جایدادونه مو قربان دي، خاندانونه مو قربان دي. خو موږ پر شا کېږو نه.
دا د پښتون ژغونې غوځنګ مشر منظور پښټون دهغې وینا یوه برخه ده چې د کیلامن وزیر د شهادت په مناسبت یې خپلو ملګرو ته وکړه.
منظور وړاندې وویل:”زموږ له خپلو شهیدانو سره دا وعده ده، چې هر کله زموږ او ستاسې روحونه سره ملاوېدل، موږ به د خپلواکۍ، د خپلې خاورې او خپل وطن د جوړولو په دې جنګ او مزاحمت کې درغلي یو، بله لار به نه وي.
منظور پښتین د ګیله من وزیر شهادت د پېمز روغتون مخ ته راټولو شویو کسانو ته په وینا کې داسې حال کې تایید کړه، چې د پښتون ژغورنې غورځنګ نور مخکښ مشران او د ګیله من وزیر ورور یې څنګ ته ولاړ وو.
هغه وویل “زموږ په خوږ ورور او زموږ د ملت په یو لوی اتل باندې ګوزار دومره سخت شوی و، چې د هغه علاج ناممکن حد ته رسېدلی و.”
نوموړي زیاته کړه “زما تر ټولو نږدې ملګری و. په دغه تحریک کې تر ده نږدې ملګری زما څوک نه و او بیا تر ټولو فرمان بردار ملګری و. یو عظیم او غیرتي ژوند یې تېر کړ.”
منظور پښتین پاکستان کې د پښتنو حقونو لپاره پیل کړې مبارزه کې د خپلو نورو وژل شویو ملګرو، په ځانګړې توګه د ارمان لوڼي او عارف وزیر یادونه هم وکړه.
