د ملګرو ملتو د کډوالو چارو د ادارې مشر دپاکستان لومړي وزیر شهباز شریف سره په کتنه کې غوښتنه کړې چې دافغانانو د سړلو بهیر ودروي.
د ملګرو ملتونو د کډوالو چارو ادارې په وینا دپاکستان لوړي وزیر ژمنه کړې چې دافغانانو د سړلو بهیر دریدلی وساتي کوم چې هلته د اوسېدو قانوني اسناد نه لري. دې ادارې په یوه ویناپاڼه کې ویلي، چې فېلېپو ګراندي دا خبره شهباز شریف ته په پاکستان کې د افغان کډوالو د وضعیت په اړه د لیدنې پر مهال کړې او په وینا یې له هغه یې غوښتي، چې د کډوالو د ستنونې دا بهیر درېدلی وساتي.
پاکستاني حکومت د دغه بهیر د درونې په تړاو لا څه نه دي ویلي. د ملګرو ملتو د ادارې په ویناپاڼه کې راغلي، چې ښاغلي ګراندي له پاکستاني لومړي وزیره د کډوالو د ثبتونې د کارتونو د مودې غځونه او د هغوی د نورو ستونزو په اواري کې مرسته هم غوښتې ده.
داکتنه په داسې حالاتو کې تر سره کیږي چې پاکستان ته ورغلی چې د طالبانو د حکومت د شمېرو له مخې، په تېرو څه باندې نهو میاشتو کې له دغه هېواده شپږنیم لکه کډوال افغانستان ته ستانه کړل شوي دي.
افغان حکومت تر اوسه څو څو ځلې د پاکستان دغه کړنه غندلې او د درولو غوښټنه یې کړې ده خو پاکستاني چارواکو ورته پاملرنه نه ده کړې.
له ایران او پاکستان څخه دافغان کډوالو دشړلو روان بهیر،افغانستان او ملګرو ملتونو یې اندېښةن کړي دي
