داسعارو پر ګرځنده تبادلې بندیز

د افغانستان حکومت د کابل په شهزاده سرای کې د اسعارو د تبادلې په ستر بازار کې د ګرځنده پیسو د تبادلې پر فعالیت بندیز ولګاوه.

د کورنیو چارو وزارت پرون په خپله اعلامیه کې چې د استخباراتو د ریاست، مرکزي بانک او د صرافانو د اتحادیې له خوا هم لاسلیک شوې وه، د سرای شهزاده د ګرځنده پیسو د تبادلې په بازار کې د بهرنیو اسعارو لیلام منع کړی دی.

داسعارو دتبادلې ګرځنده سیستمونه دکار جواز نلری او حکومت ته له خپلو عوایدو منظمه مالیه هم نه ورکوی.

ځینې کارپوهان اندیښنه لري چې دی سره به دسل هاوو افغانانو کار او بار پای ته ورسیږي  خو ځینې نور بیا دا اقدام د تورو پیسو د را واردولو او صادرولو دمخنیوي او مالیاتي سیستم د ښه کیدو لپاره یو پرځای او ګټور اقدام بولي

په شهزاده سرای کې د پیسو د خدمتونو او د اسعارو د تبادلې پر شرکتونو سربېره، یو شمېر کسانو له څو کلونو راهیسې  د ګرځنده تبادلې دفترونه درلودل.